Август тӱҥалтыш гыч поезд-влакын коштмо радамыштым палаш, тыгак тушко электрон билетым почтыштак налаш лиеш.
«Россий Почтын» Марий Элысе филиалжын пресс-службыжын увертарымыж почеш, республикыштына тыгай йӧн кызыт Волжск ден Козьмодемьянск олалаште да Морко посёлкышто гына уло. Жап эртыме семын билетым моло районыштат ужалаш шонат.
Электрон билет – тиде тыгай документ, кудым поезд тарваныме деч ончыч кассыште тыглай билетлан вашталтат. Ончылгоч кассыш толаш жап уке годым тыгай йӧн дене пайдаланат.