Шокшо салам марий калыклан, поснак нунылан, кӧ яра жапым, але канышым, йӱд клублаште эртараш йӧрата!!! Тендан дене угыч мый, Рауль Гарифулин улам.Ятыр толкыным ме тендан дене лончылен налынна, эше шукырак йоҥгалтарыде кодын. Садланак кӧра, таче мый у толкын дене тендым палдараш вашкем.
Тыгеракын – «Спид гараж» семтолкын.
Тиде толкын «Гараж техно» толкын негызеш шочын, но тидын годымак шке писылыкше дене, да эреак иктымак угыч йоҥгалтарыме дене ойыртемалтын. «Ту степ гараж», (ушештараш вашкем, чыла толкын, эше изи толкын-влаклан шелалтеш) Лондонысо клуб-влакым 1996шо ийыште савырен. Да вигак самырыкеҥ-влакын чоныштым алгаштарен, тиде гына огыл, эше ӱмбачше, верысе радиостанцийласе хит-парадлаште кӱшыл верлам айлаш тӱҥалын. Спид гараж толкын толмо дене, Джангл, Драм анд Бэйс толкын-влак, вигак ӱмылешыже йомыч. Мут толмашеш, нунат тунам кумдан чапланыше толкын лийыныт.
Паладарыде кодаш огеш лий, ты толкын шуко лӱм дене вияҥын, нунын кокла гыч: Спид Гараж, Андеграунд Гараж, тыгак Ту Степ Гараж.
Амерыкысе музыканче–влак, вигак, толкынын кӱшыл верлаште лиймым ужыныт, да пеш куштылгын ты толкын деке кусненыт. Поснак, палемден кодем, нунын кокла гыч: Todd Edwards, Armand Van Helden тыгак Romanthony.
Да мучашлан, ик-мыняр пример.
Тидын дене мыйын чыла. Вес корнын, вес толкыным лончылен налына. Сай кодса! Чеверын!
Рауль Гарифулин
Семсалма - СПИД гараж (mp3)