10 апрельлан шӱдыр-влак мом сӧрат?

Шорык. Тиде кечын шорык-влак, уда нерген ида шоно. Кеч-могай пашалан пижыда гынат, лӱдде да шуйкалыде тидым ыштыза.

Презе. Йолташда да лишыл еҥда-влак полышым йодын толыт гын, ида савырне. Кумылда огеш лий гынат, полшыза нунылан. Вес гана тендамат огыт мондо…

Йыгыр. Те гын ала-мом уым пален налыда. Тидыже тендам чот ӧрыктара, но нимогай лӱдыкшым ок кондо.

Рак. Тендам кугу паша вуча. Ятыр тургыжландарыше йодышланат вашмутым кычалаш логалеш. Порым шонен толшылан поро ден вашештыза, а кӧ ӱчым шуктынеже гын, кумылдам нунын верч ида йомдаре. Жап гыч йоҥылышыштым шке умылат.

Лев. Ончылно тендам пиал вуча. Эскерыза, кӧ тендан дек тиде кечын лишнырак лиеш. Лач тудлан апдам ойырыза.

Ӱдыр: Чылажымат тошто шинча дене ида ончо. Вет тендан илышдат кече еда вашталт толеш. У неле паша лектеш гын, ида чакне – ты кечын тудым вораҥдарен колташ вийда сита...

- Марий кундем, тӱзлане, пеледалт! Таче тиде – шомак гына огыл, а ыштыме паша.
- Кажне ийын Галина Уланова лӱмеш балет сымыктышын фестивальже лиеш. Тудын черетан фестивальже тений 9-ше апрельыште Йошкар-Олаште Эрик Сапаев лӱмеш опер да балет театрыште тӱҥалеш.
- Шукерте огыл Йошкар-Олаште йоча театр фестиваль эртен.
- Школысо тӱвыра кушечын тӱҥалеш? Йоча-влак тудым кузе аклат?
- Марий кундемысе кидмастар-влак уа гыч могай гына ӱзгарым огыт ыште.
- Куженер кундемыште шочшо весела муро-влак чылалан палыме да шарналт кодшо улыт. Тиде «Лӱҥгалтыш» ансамбльын мураршашыже.

Тиде да моло увер-влак нерген «Тема да комментарий» программыште ончыза. «Марий Эл ТВ-н» эфирже таче кастене 19 шагатат 30 минутлан тӱҥалеш, а эрла эрдене – 7 шагатат 30 минутлан.