Шернур район Кӱшыл Кугенер селасе администраций Кӱчыкэҥер. Кугу Кугенер деч касвелке 4 меҥге тораште, Кӱчыкэҥер эҥер воктене верланен.

Документ почеш 1802-шо ийыште тиде ял нерген икымше гана ойлалтеш. Пел курым эртымеке, ялыште 116 еҥ илен.

1932-шо ийыште «У шурно» колхозым почмо. Икымше председательлан Кутузовым сайленыт.

Фронтыш 34 еҥ каен, 16 патыр пӧртылын огытыл.

1947-ше ийыште ялышке радиом, 1965-ше ийыште электром пуртымо. 1950-ше ий июльышто «У шурно» «Чевер ӱжара» колхоз дене ушнен.

Лӱмлӧ еҥ-влак: Марий Эл кугыжаныш премийын лауреатше, МаССРын сулло артистше, драматург Константин Коршунов, композитор, «Элнет» оперын авторжо Молотов да молат. Пурлыклан: Верысе пӱртӱс шотлалтеш.

Мурызо Эчан

Марий географий - Шернур район - Кӱчыкэҥер (mp3)

Морко район Коркатово селасе администраций Упамаш. Тыгак ялым Апак маныт.

Коркатово деч йӱдвел-касвелке, 11 меҥге тораште верланен. Негызым 1928-ше ийыште Тойметсола ял гыч толшо-влак пыштеныт. Ожно тиде верыште Апак кочай илен. Тудым шарныме лӱмеш ялым лӱмдымӧ.

1933-шо ийыште «Упамаш» колхозым почмо. Ял покшелне коремым пӱялыме. Пӱя воктене имнывӱтам чоҥымо. Ялыште мӱкшотар лийын. Тудым Игнатьев ончен.

Кугу Отечественный Сар тӱҥалмеке, ял гыч фронтыш 30 еҥ каен, 6 патыр пӧртылын огытыл. Сар деч вара «Упамаш» колхоз «Большевик» колхозын составышкыже ушнен. 50-ше 60-шо ийлаште 127 еҥ вербовка почеш Сибирьыш каеныт.

2003-шо ийлан 4 еш ила. Пурлыклан: Ефрем, Егор, Япык таве-влак, кумда пасу, верысе пӱртӱс шотлалтыт.

Мурызо Эчан

Марий географий - Морко район - Упамаш (mp3)