У-Торъял район Тошто Торъял селасе администраций Лодакэҥер.

Тыгак ялым Шабалино маныныт. Тошто Торъял деч кечвалвелке 5 меҥге тораште, Нурма эҥер воктене верланен.

1884-ше ийыште 17 суртышто 95 еҥ илен. Тунам ял кок ужашлан шелалтын. Ик ужашыштыже руш-влак, весыштыже марий-влак иленыт. Нунын коклаште У Торъял – Царевококшайск трасса эртен.

1930-шо ийыште «Красная звезда» колхозым почмо. Колхозын 145 гектар мландыже лийын. Икымше председательлан Батухтиным сайлыме.

Сар тӱҥалмеке, фронтыш 15 еҥ каен, 8-н пӧртылын огытыл. Сар деч вара колхозым «Большевик», а вара «Прогресс» колхоз дене ушымо. Тидланак кӧра, ял калык вес вере илаш кусненыт.

2002-шо ийлан 2 суртышто 7 еҥ ила.

Лӱмлӧ еҥ-влак: Пашан Йошкар Знамя орденын кавалерже Егошин, шуко ий «Прогресс» колхозын бригадиржылан пашам ыштен. Тыгак, полковник Батухтин да молат.

Пурлыклан: Нурма эҥер, Марльото, Рывыкс, Евсей, Козак корем-влак, Ровыне корем чодыра, Козак корем чодыра, Пистер, Тоштылем ото-влак, Кости лук, Кости памаш шотлалтыт.

Мурызо Эчан

Марий географий - У Торъял район - Лодакэҥер (mp3)