Зоя Васильевна Гришина

Ӱдырамаш тӱня тудо шке сынан. Ӱдырамашлан илышын кочыжымат, нелылыкшымат чыташ логалеш. Куанле кечыжат вашлиялтыт. Тыгайже годым кӧргӧ чонетшат весеммыла чучеш. «Ӱдырамаш тӱня» лаштыкнан тачысе унаже мотокоч поро кумылан, весела, пеҥгыде койыш-шоктышан ӱдырамаш Зоя Васильевна Гришина. Шочын да кушкын тудо Морко районысо Кугу Ярамарий ялыште, тыштак йоча годсо пагытше эртен.

… (тиде ужаш mp3 файлыште)

Чаманен каласаш логалеш, самырык мотор ӱдырын тиде шонымашыже шукталтын огыл. Прфессионал артист лияш пурен огыл, очыни. Школ дипломым кидыш налмек, Зоя Йошкар-Олаш, ургызылан тунемаш кая.

… (тиде ужаш mp3 файлыште)

Зоя Васильевнан ачаж дене аваже ынде шукертак ош тӱня дене чеверласеныт гынат, таче нунын нерген кугу кугешнымаш дене ойла.

… (тиде ужаш mp3 файлыште)

Аваже тыглай пашазе, ачаже бригадир. А тудо вет эре ончылно кайыше, уш-акыл денат ойыртемалтше лийын. Калыкыште ойлат, олма олмапу деч тораш огеш чоҥеште, тидланак кӧра, очыни, Зоя Васильевнан пенгыде койыш-шоктышыжо.

… (тиде ужаш mp3 файлыште)

Йочам шкетын ончышо ӱдырамаш Зоя Васильевнам умыла, очыни. Манаш веле вет, кок ияш изи икшыве ден, чылт шкетын, нигӧн полышыж деч посна кодаш. Адакшым шкенжым кучен моштыдымо марий денат шке ӱмырым эртараш кумыл уке, тыят тиде илышыште пиалым шижнет. Икымше пелашыже подылашат йӧратен, кидшымат южгынамже нӧлтен – шарналта Зоя Васильевна. Но ала-молан южо ӱдырамаш илышын тыгай тӧрсыржым чытен илат. Зоя Васильевна, кузе тендан тыгай пенгыде йолтошкалтышлан вийдаже ситен?

… (тиде ужаш mp3 файлыште)

Тидым чыла чытен сеҥен лекмеке, Зоя Васильевна кужу жап шкаланже келшыше пӧрьеҥым муын кертын огыл. Адакшым уто кумылжат шижалтын огыл. Но жап чыла паремда, маныт. Зоя Васильвнанат илышыштыже шӱм йолташ ситен огыл. Ойгымат иктагӧлан ойлаш кӱлын, чонымат почын пуыман, каҥашымат налман. Илыш пӱрымаш Зоя Васильвналан пӧлекым ыштен.

… (тиде ужаш mp3 файлыште)

Тиде мужырын коклаштышт йӧратымаш озаланен. Чон почын йӧратыше ӱдырамаш, 41 ийыш шумек, пелашыжлан йочам, шӧртньӧ падырашым пӧлеклаш шонен пыштен. Индеш тылзе жапыште пелашыжлан каваште чоҥештылмыжла чучын. Мӱшкырыштӧ улшо аза дене кажне гана мутланен, пӧрт сомылкамат шкежак ышташ тыршен, мӱшкыран ӱдырамашым ший падыраш гай арален… Но тиде пиал ик татыште йомын… Зоя Васильвна йочам ыштыме пӧртыш конден кодымек, пӧрьеҥ шылын… куржын… Кок икшыван ӱдырамашым шуэн коден…

Роддом гыч кажне ӱдырамышым пелешыже ма, родо-тукымжо ма вашлиеш, кугу куаным ончыкта… А Зоя Васильевнам кугырак эргыже, 17 ияш Алёша вашлийын. Изи ньогам ӧндалын, тудо шортын-мӱгырен, мӧҥгӧ велке ошкылын. Тунам тудо иктым гына шонен – молан? Молан илышыште лач тыге? Молан пӱрымаш мыйым тыге лочка?.. Эше ик гана Зоя Васильвналан тиде ойгым ужаш пернен. Но жап чыла эмла, маныт. Шкенжым кидыш налын, пеҥгыде койышым ончыктен, вуйым кӱш нӧлталын тиде чолга ӱдырамаш илышым умбакыже вораҥдараш тӱҥалеш. Пашам ышта, кок эргым кушта…

Но, адакат окса ситыдымылан кӧра, Зоя Васильевналан изирак эргыжымат коден каяш перна. Кызыт тудо Моско олаште пашам ышта. Алёша кӱшыл шинчымашым пога, изиракше, Никита, икымше номеран президент школ-интернатыште тунемеш.

… (тиде ужаш mp3 файлыште)

Чынжымак, мом ышташыже, куш пурашыже? Тидымат чыташ логалеш. Ава чонлан изи икшывым коден каяш неле. Кажне гана кужу корныш кайымыж годым шинчавӱд деч посна лектын огеш кай, мӧҥгӧ пӧртылмо корныштат куан шинчавӱд лектеш.

… (тиде ужаш mp3 файлыште)

Пытартышлан Зоя Васильевна марий ӱдырамаш-влаклан шке тыланымашыжам ойла.

Ирина Якаева

Ӱдырамаш тӱня – Гришина (mp3)

Тиде рубрикым келыштараш 2 семым www.mari.ee сайт гыч кучылмо.