Радио кече дене Марий Эл Радион коллектившым уло шӱм-чонем дене саламлем. Те кажне Марий кундемыште илыше ешын эн ӱшанле да лишыл йолташыже улыда. Шӱдыр гай йӱлыза да эре ончыко кайыза. Пайрем дене, йӧратыме Марий Эл Радио!!!
Лариса Яковлева, Россий Кугыжаныш Думын депутатше, Мер Каҥаш вуйлатыше
(саламлымаш, mp3)
МАРИЙ ЭЛ РАДИО МАРИЙ КАЛЫКЫН РАДИОЖО!
Кажне кечын 6 шагат эрдене Марий Эл Радио у кечым пырля вашлияш ӱжеш, да 23 шагат йӱдым ныжыл марий муро дене омо помышышко ужатен колта.
Марий Эл Радио - тиде марий муро, нӧлталалтше кумыл, паша кече, весела каныш, да чолга вӱдышо-влак! Эфирыште «Марий йӱла», «Марий географий», «Марла календарь», «Мыскара», «Ойкаҥаш», «Пӧрьеҥ модыш», «Семсалма», «Ӱдырамаш туня» да моло программе-влакым колын кертыда. Кажне кечын Аня Левагина увер дене палдара, Шуматкечын Мурызо Эчан хит-парадым эртара, Ирина Якаева шӱдыр-влакын мужедмыштым ойла, Сергей Карпов рушарнян йырже мыскараче-влакым чумыра, Рауль Гарифулин шочмо кастене гитарым пералта, Володя Матвеев лӱмлӧ еҥ-влакын шочмо кечыштым эскера, вияш эфирыште Наташа Пушкина уна дене тӱрлӧ йодышым каҥаша. Марий Эл Радио йоча-влакынат йолташыже. Кажне рушарнян 11 шагат гычын 12 шагат марте йоча программе лектеш.
Тыгак тыште тӱрлӧ модыш, конкурс, да «Мурпӧлек» саламлымаш передаче.
МАРИЙ ЭЛ РАДИО МАРИЙ ЭЛ ВИКТЕРЫН ПОЛШЫМЫЖ ДЕНЕ ЫШТАЛТЫН.
Колыштса Марий Эл Радиом!!!
Илышын куанже - келшымаште (Марий Эл Радио пашаеҥже йоча-влак дене мурат, mp3)