Приложение
Пеленлык

Марла кагазвиктыш документ-влакын тевыкышт

йодмашыже

Мыйым Тендан университетысе историй-филологий факультетын марий-англичан пӧлкашкыже тунемаш налаш йодам.
Йодмаш пелен тыгай документ-влакым пыштем:
1) кыдалаш школым тунем пытарыме нерген аттестатым;
2) тазалык нерген справкым;
3) ешем нерген справкым;
4) школ гыч характеристикым;
5) ныл фотосӱретым;
6) ИКЭ-м кучымо нерген сертификатым.

2005 ий пеледышын 30-шо кечыже

«Марий Ушем» регионгокласе мер ушемын вуйвер
каҥашпогынжо гыч 2 №-ан
ОЙВОЗЫШ

Ончышаш паша радам:

1. «Марий Ушем» мер ушемын 2004 ийыште ыштыме пашаже нерген отчетым пеҥгыдемдымаш.
2. 2005 ийыште ыштышаш паша нерген.
3. «Марий Ушемын» Шернур районысо пӧлкажын йодмашыже.
4. Тӱрлӧ нерген.

1-ше йодыш дене вуйверын вуйлатышыже И.А.Степанова ойлен. Тудо вуйверын 2004 ийысе пашаже нерген отчет дене палдарен (мом ойлен, возаш).
Йодышым пуэныт:
А.А. Петров (ойлымыжым кӱчыкын возен ончыкташ).
С.Л. Семёнова (мом ойлымыжым возаш).
Каҥашымаште ойленыт:
Л.П. Иванова: Отчётыш тыгай ешартышым пурташ темлен: (возаш).
Н.И.Семёнов: Отчёт гыч тыгай шонымашым лукташ темлен: (возаш).
Пытартыш мутым витньызе И.А.Степанова каласен. Тудо манын: (возаш).
ПУНЧАЛМЕ: Вуйверын витньыкшым пеҥгыдемдаш:
«верч» — 10
«ваштареш» — 2.

2-шо йодыш дене вуйвер вуйлатышын алмаштышыже С.П.Семёнова ойлен. (Ойлымыжым возаш).
Каҥашымаште ойленыт:
П.И.Гордеев (ойлымыжым возаш).
М.Ф.Константинова (ойлымыжым возаш).
ПУНЧАЛМЕ: 2005 ийыште «Марий Ушем» мер ушемын ыштышаш паша планжым пеҥгыдемдаш — ик йӱк дене.
3-шо йодыш дене «Марий Ушемын» Шернур районысо пӧлкажым вуйлатыше П.А. Соколов ойлен. Тудо районышто «Марий пайремым» эртараш оксам йодын. Шке йодмашыжым тыге негызлен: (возаш).
Каҥашымаште ойленыт:
С.И.Петров (ойлымыжым возаш).
Н.И.Семёнов (ойлымыжым возаш).
ПУНЧАЛМЕ: Шернур районысо пӧлкалан «Марий пайремым» эртараш 3000 (кум тӱжем) теҥге оксам ойыраш – ик йӱк дене.

4-ше йодыш дене ойленыт:
1. «Марий Ушем» вуйлатыше И.А.Степанова: Олала ден яллаште марла сакымлӱмым возымым радамыш кондаш кӱлмӧ шотышто ыштышаш паша нерген (мом ойлымыжым возаш).
ПУНЧАЛМЕ: Сакымлӱм-влакын марла йоҥгалтмыштым тергаш комиссийым ышташ. Вес погынымашлан кандидатурым ямдылаш вуйвер член Овечкинлан кӱшташ.
2. Йошкар-Оласе школлаште марий йылмым туныктымо кузе каен шогымым шымлен лекме нерген вуйвер алмаштыше С.П.Степанова ойлен. Тидлан 3 еҥан комиссийым ыштыме. Тушко С.П.Тихоновым, Л.И.Федоровам, П.Н.Чендемеровым пуртымо.
3. «Марий Ушемын» погынжым эртарыме нерген. Ойлен вуйвер вуйлатыше И.А.Степанова.
ПУНЧАЛМЕ: Марий Ушемын черетан погынжым 2005 ий кылме тылзын 8-ше кечыштыже эртараш.





Мый, Смирнов Иван Николаевич, Йошкар-Оласе Гагарин урем 32 пӧртын 24 пачерыштыже илыше, паспорт 88 91 № 162548 Йошкар-Оласе УВД 2003 ий 25 вӱдшорышто пуэн, Йошкар-Олаште илыше Семенов Иван Петрович деч 2000 (кок тӱжем) теҥге оксам кӱсын налынам. Ик тылзе гыч пӧртылташ сӧрем.
Шке сӧрымем пеҥгыдемден, кидем пыштем.

2006 ий 25 сентябрь


Штамп

Саде справкым ончыктышо Петров Игорь Семёнович чынже денак Марий кугыжаныш университетысе электротехнике факультетын 4-ше курсыштыжо тунемше студент улеш. Стипендийым ок нал.
Справкым йодмо верыште ончыкташ пуымо.

Электротехнике факультетын деканже проф.

Деканат секретарь



Йошкар-Ола

Мый, Скворцов Семён Иванович, Марий кугыжаныш университетын студентше, Ипатов Сергей Сергеевичлан, паспортшо 88 71 № 248567, Йошкар-Оласе ЭПВ-н Заречный пӧлкаже 2004 ий 10 телыште пуэн, идым тылзаш стипендием налаш ӱшанем.

Кидпале ___________________

С.И.Скворцовын кидпыштымыжым пеҥгыдемдем
Электротехнике факультетын деканже



Штамп

Ты инандыш Марий кугыжаныш университетысе историй-филологий факультетын 5-ше курсыштыжо тунемше Л.С.Нечаевалан пуалтеш. Тудо Кужеҥер районысо Коҥганур кыдалаш (тичмаш) школышто 2005 ийын шыжа тылзыштыже марий йылме да литератур дене педагогике практикым эртен. Практикым «отлично» оценкылан аклыме.

Коҥганур кыдалаш школ директор




Тендан университетысе историй-филологий факультетын марий пӧлкажын 4-ше курсысо студентше Якаев Сергей Иванович 2005 ийын кылме тылзыштыже мемнан школышто марий йылме да литератур дене педагогик практикым эртен. Практике жапыште студент йоча-влакым марий йылме деке шӱмаҥдарымаште, нуным патриот шӱлышеш орыштмаште шкенжым устан ончыктен. Тудын тыршымыжлан кӧра йоча-влакын марий йылме да сылнымутым тунемме деке кумылышт йӧршеш вашталтын. Практикант школышто сылнымут йыргекын пашажым виктарен колтен. Тудын вуйлатымыже почеш мемнан школысо йоча-влак республикысе олимпиадыште икымше верым налыныт.
Школышто практикантын ыштыме кугу суапле пашаже верч ме деканатлан да факультетысе кафедре-влаклан кугу таум каласена да студент С.Якаевын уста пашажым палемдаш ӱшандарен йодына.

Кугунур школын директоржо

2005 ий 1 декабрь



2005 ий 1 теле

Ме, кум еҥан комиссий: йылме кафедрым вуйлатыше Чижов В.Н., кафедрын доцентше Силантьев С.С. да кугурак лаборантка Ильина Е.С., кафедре ӱмбачын ӱлнӧ ончыктымо книга-влакым списатлыме нерген саде актым возенна. Ончыктымо книга-влакым Венгрий гыч толшо шымлызе-влаклан пӧлек шотеш кучыктымо. Тыгай книга-влакым пуымо:
1. Коротков М.С. Кызытсе марий йылме. Морфологий. — Йошкар-Ола, 2002. — 5 экз., 100 теҥгеаш.
2. Марий умылтарыме мутер. — Йошкар-Ола, 2003. — 5 экз., 220 теҥгеаш.
3. Семёнов С.С. Марийские ученые. — Йошкар-Ола, 2005. — 5 экз. — 150 теҥгеаш.
Чылаже 470 теҥгеаш 15 книгам пуымо.
Книга-влакым уна-влаклан пӧлеклымым пеҥгыдемдена да нуным кафедре пого гыч списатлыме нерген актым возенна.






Тендан кӱштымыда почеш Нурсола ялысе фермым ме тений кылме тылзыште чоҥен пытарышаш да заказчиклан кучыктышаш улына. Но транспорт укелан кӧра шке жапыштыже оҥам кондымо огыл, садлан кӧра коридорышто кӱварым шарен шуктымо огыл. Тыге объектым чоҥен шуктымо срок кӱрылтын кертеш. Сорла тылзын 1-ше кечыже марте 10 куб.м. кӱвар оҥа кӱлеш.
Тидым шотыш налын, чоҥымо верышке пӱчкедыме чодырам вашкерак конден шукташ манын, транспортым ойырымо шотышто мерым ышташ йодам.

Прораб

2005 ий, вӱдшорын 20-шо кечыже


2005 ий, вӱдшорын 20-шо кечыже


Тачысе кече гыч министерствын пашажым вораҥдарыше вуйлатышылан Лаптев Иван Семёновичым шогалташ. Пашадарым ИТС-ын 16 разрядше почеш 5000 теҥгем пышташ.

Историй-филологий факультет деканын
КӰШТЫМАШЫЖЕ

3-шо №


Тунемме пашам кӱлеш семын эртарен колташ манын, каныме кечым 7 ага гыч 2 агаш кусараш. Каныш кечылан 29, 30 вӱдшор да 1, 2 агам шотлаш.

Марий Эл Республик Президентын
КӰШТЫКШӦ

5 ага, 2005 ий


Кӱшыл Туныктымо пашаште кугу суапым ыштымыжлан Марий кугыжаныш университетын профессоржо биологий шанче доктор, профессор Сидор Иванович Петровлан «Марий Эл шанчын сулло пашаеҥже» чаплӱмым пуаш.




Йошкар-Ола


Марий кугыжаныш университетын ректоржо Виталий Иванович Макаров лӱм дене, ик могырым, да пашам налше Николай Петрович Семенович, вес могырым: ИНН 123456734569; паспорт серий 88 99, 712566 № 1991 ий 21 февральыште Йошкар-Оласе ЭПВ-н Заречный пӧлкаштыже пуымо, шочын 1950 ий 25 агаште Марий Эл Республикысе Кораксола ялыште, пенсий страховатлымаш танык № 172-195-712-42 тыгай пашам ыштыме нерген кутырен келшеныт:

№ Мом ыштыме Кугытшо Акше
...
...

Ойпидыш почеш окса пашам пытарен акт почеш сдатлымеке пуалтеш.

Ыштыме пашам приниматлыме нерген
АКТ

Йошкар-Ола


Мый, Сидоров Иван Петрович, ойпидыш дене келшышын гр. Семёнов Николай Петрович деч тыгай пашам приниматленам:

№ Мом ыштыме Кугытшо Акше
...
...

Приниматлен: _________________ Сдатлен: ________________

1. Паша ыштымылан пуалтеш ____________________________ теҥ.
2. Кучен кодымо:__________________________________________ теҥ.
а) Парыш налог _________________________________ теҥ.
б) Пенсий фонд __________________________ теҥ.
3. Кидышке пуаш ___________________________теҥ.



2005 ий 30 майыште возымо 51 №-ан кассысе ордер почеш 3045 (кум тӱжем нылле вич) теҥгем налын.



Пособие по делопроизводству на марийском языке
Кагазвиктыш сомылым марла шуктышо-влаклан полшык

Составитель И.Г.Иванов
И.Г.Иванов чумырен

Автор проекта Э.А.Юзыкайн
Редактор З.М.Дудина

И 20 Пособие по делопроизводству на марийском языке. Кагазвиктыш сомылым марла шуктышо-влаклан полшык /Составитель И.Г.Иванов. — Йошкар–Ола: Министерство культуры, печати и по делам национальностей РМЭ, 2007. — 96 с. скачать dle 10.2 КиноСвин