Владимир Иванов

Шымленам элем ситале,
Тӱрлӧ калыкым палем.
Иктым веле раш ом пале,
Кушто таче мый илем.

Шочмо ял чот суасемын,
Садланат лӱмдат – агул.
А ола моткоч рушемын.
Мом ышташ, а? – Караул!
...

Владимир Иванов

Агытан ден помыжалтын,
Шошо кече ончалеш.
Корно дене шыргыжалын,
Поп пашашке кудалеш.

Тарватен кая пуракым –
У теҥге гай лимузин.
Шоналтем, ончен йолашым:
Шерге мо тудлан бензин?
...

Мер Каҥашын президиумжо черетан погынымашым эртарен. Вуйлатыше Л.Н.Яковлева лишыл жапыште ыштышаш паша, Марий калыкын 8-ше погынын резолюцийже почеш паша планым ямдылыме йодышым тарватен. Ты мутланымашке президиум еҥ-влак калык дене кыл кучымо йодышым рашемденыт. Ынде чоным вургыжтарыше йодыш дене тендам кажне вургече еда Йошкар-Олаште Мер-политик рӱдерын 410 пӧлемыштыже 10 шагат гыч 15 шагат марте Мер Каҥаш вуйлатышын алмаштышыже-влак вучаш тӱҥалыт. Тыгак 42-40-27 телефон дене йынгыртен йодышлан вашмутым налын да темлымашдам ойлен кертыда.
Палемдена, 7 июньышто Мер Каҥаш вуйлатыше Л.Н.Яковлева Пошкырт кундемысе Мишкан калыкым Пеледыш пайрем дене саламлаш тӱҥалеш.

Илышым саемдыме, кундемым тӱзатыме шотышто кугыжаныш тӱрлӧ программым илышыш пуртен. Нунын коклаште «Олам, яллам тӱзатыме да волгалтарыме» программе улеш. Лач 4 июньышто Морко поселкышто программым шуктен толмым иктешлен, семинарым эртареныт. Тышке Марий Эл Виктер гыч специалист да кундемысе район администраций вуйлатыше-влак толытыт. Пашам шуктен толмышт нерген иктешленыт. Тыге ончыл верыш Медведево кундем лектын. Тораштак кодын огытыл Советский, Морко да Оршанке район. Нунат сай лектышым ончыктеныт.
...