«Ончыкыжым корным шке окса дене тӧрлаш тӱҥалына». «Банк развития» кугыжаныш корпорацийыште улшо пенсийын погымо ужашыжым кӱлеш пашалан инвестироватлымашым премьер-министр Владимир Путин сайлан шотлен. Тыге, виктер ден банк вуйлатыше-влак 2015 ий марте мемнан элысе транспорт системым вияҥдыме шотышто планым ыштеныт. Программын акше 13 триллион теҥгемат эрта. Тушечын 350 миллиард теҥге оксаже, кузе калыкыште ойлат, «вӱдым подыл шинчын». Молан манаш гын, мемнан элыште 40 миллион еҥже пенсийын погымо ужашыжым але мартеат нимогай частный банкыш кусарен огыл.

«Кужеҥер районышто самолёт камвочмо нерген пашам тарватыме». Рушарнян эрдене Басалаево ял воктене самолет пурен каен. Тиде самолетым ял озанлык пашам шукташлан тарленыт улмаш. Тоьятти гыч улшо пилот верыштыжак илыш дене чеверласен. А 2 веран самолетын озажым тачат кычалыт. Молан манаш гын, тиде самолет кугыжаныш огранлаште регистрацийым эртен огыл. Тыгак тиде чоҥештылше аппарат дене чоҥештылаш лийме нерген пеҥгыдемдымаш лийын огыл. Тачысе кечылан самолетын пурен кайымын амалжым кычалыт. Тидын годым тыгай амалым палемдат: самолет бакыште шагал горючий лийын. Специалист-влакын палемдымышт почеш, бакыште 200 литр бензин лийын. А тидыже самолетым сайын шындашлан шагал улеш. Уголовный пашам рашемдаш да титакан айдемым муашлан 2 тылзе жапым ойырымо. Тидын нерген Маримедиа сайт увертара.
...