«Окса пособий кугемеш». 1 июль гыч льгот дене пайдаланыше-влакын социал пособийышт кугемеш. Тидыже инфляций кугемме дене кылдалтын. Палдарена, тений окса шулдештмаш 8,5 гыч 10% марте вашталтын. Пособий вашталтме дене кылдалтын, сарыште лийше-влаклан 2 тӱжем 732 теҥгем ешарат. Чернобыль туткарыш логалше-влаклан 1366-ым, йоча инвалид-влаклан 1913 теҥгем. Ынде Совет Союз, Россий Федераций Герой да Слава орден кавалер-влаклан 32 тужем 200 теҥгем тӱлаш тӱҥалыт, а Паша герой-влаклан 23 тӱжем 750 теҥгем.

«Йыҥырте! Вашмутым муат». 1 июль гыч Марий Эл республик виктерын «шокшо линий» телефонжо пашам ышташ тӱҥалын. Илышкыл, порт ачалымаш, кундемым тӱзатыме, санитар да моло лекше йодыш дене 64-15-28 телефон дене йыҥгырташ лиеш. Тыге кундемыште илыше-влак тургыжландарыше йодышлан вашмутым налын кертыт. Пурышо серыш, йодмаш да йыҥгыр йодыш-влакым лончылашлан министерствышке, ведомствылашке да тыгак предприятий вуйлатыше-влак деке серышым колташ тӱҥалыт.

«Ял чот тургыжландарыкта». Кеҥеж жапыште яллаште 30 наре пожар лиеш. Тыге тул оралтым, техникым, вольыкым, кургым пытара. Пожар лӱдыкшым кораҥдаш манын, госпожнадзор шошо ага да уржа-сола жапышет умылтарыме пашам наҥгаен шога. Ты годым инспектор-влак ял озанлыклаште техникым да пожар лӱдыкшыдымылыкым эскерен толмыштым тергат. Тиде пашам пайдалын шукташлан лӱмын группым чумыреныт. Кудыжо яллашке лектын, зернотокым, шудо леваш-влакым тергаш тӱҥалыт. Тачысе кече марте 266 ял озанлыкым тергыме. Пожар лӱдыкшыдымылык правилым эскерыдымылан 28 тӱшка вуйозалан (юридический лицалан) да 151 сомылъеҥлан (должностной лицалан) муткучышым кучаш пуэныт. Пожар лийме лӱдыкшӧ амаллан 25 верын пашам шуктен толмыжым жаплан чареныт.
...