Кундемыштына таче 4-ше кече Спорт модмаш эрта. Теҥгече 10 июльышто спортын 4 тӱрлӧ видше дене иктешлымашым ыштеныт. Тиде дзюдо, кирым нӧлтымаш, вольный кучедалмаш да куштылго атлетика. Тыге Новосибирск кундем гыч команде ончыл верыште кая. Тудо 743 баллым паген. Тораштак огыл Омск кундемысе команде улеш. Тудо 740 баллым поген. А кумшо верыште Москва кундем гыч команде улмым палемденыт. Чаманен каласаш логалеш, Марий Эл команде ты гана ончыл верыш лектын огыл. Но туге гынат, армспорт дене Роман Романько ойыртемалтын да командын копилкышкыже шӧртньӧ медальым конден. Тыге медаль чот шот дене Марий Эл команде Новосибирск, да Чуваш кундем команде дене пырля 3 верыште кая. Нуно 9 медаль дене улыт. Икымше верыште 11 медаль дене Челябинск кундем улеш, кокымшо верыште Йӱдвел Осетий Республикын-Аланийын командыже улеш.

«Самырык ешлан илем» программым шуктымаш Курыкмарий районышто шеҥгелан кодын. Молан манаш гын, прокуратурын йодмашыжым шуктен толын огытыл. А эн тӱҥжӧ ийготым. Программе дене келшен, самырык ешыште 35 ийгот марте лийшаш улыт. А теве йодмаш пуымо жапше мӧҥгешла – шуэныт. 10 кече олмеш вашмутым самырык еш-влак тылзе гыч гына пуаш ямде лийыныт. Тергымашым эртарымек, ынде Курыкмарий районыштат «2005-2010 ийлан самырык ешлан илем» кугыжаныш программе тӧртыкшот ден шукталташ тӱҥалеш.
...