Америкысе чыве йоллан – бойкот. Российысе тӱҥ врач Геннадий Онищенко калык деке ӱжмаш дене лектын. Тудо тыге ойлен: «Мемнан кевытлаште «Бушын йолжо» йоммешке шуко жап кӱлеш. Тудын марте айста шке тореш мутым ойлена. Тидыже шкенан кундемысе чыве шылым кочкашлан йӧным пуа». Тиде ойлымо деч вара тудо Россий вуйлатыше-влакын пунчалым лукмо нерген палдарен. Тушто ик тыгай лончо семын йот эл гыч кайык шылым кондышо 19 американ йӧндартышым список гыч кораҥдыме нерген возымо. Палемдыме йӧндартыш-влак правилым пудыртен пашам ыштеныт.

Чодыра ялозанлыклан кушкыл кӱлеш! Марий Эл республикыште лишыл 4 ий жапыште 4 тӱжем гектарыште миллион наре у пушеҥгым шынышаш улыт. Тидыже южышто моткоч шуко оккӱл газ улмо дене кылдалтын Киотский кӧнымойым пеҥгыдемдыме. Тыге чодыра - чоҥымо пашалан гына кучымлтмо материал огыл, тыгак кундемын шодыжо улеш. Тидын дене кылдалтын, специалист-влак ончылно шындышаш кушкылым куштымо нерегн йӧдышым нӧлталме. Нунын тӱҥ пашашт - тошто технологийым шарналтен, тачысе йодышым рашемдаш. Тидым шотыш налын, шындышаш кушкылым теплицыште кушташ тӱҥалыт.

...

Альберт Васильев

Кавасе шӱдырым ом пайле –
Сандалык илыже ласкан.
Шӱдымыда почеш шым сайле,
Шым вӱчкӧ туп гычын маскам.

Монден кушечын лекмыдажым
Кычкырышда, шӱведышда.
Еҥ вуйым лавыртыл кашта гыч
Кузе рӱжге кыдетлышда!

...