Валериан Дмитриев

Авай, письмат уке шукертак.
Палем, шинчат ок уж возаш.
Шинчет окна воктене шкетак,
От вашке каналташ возаш.

Иземнын мундырат, рончалтын.
Кеч-мом гынат мылам пидат.
Да почтальонкыжым вучалын,
Эреак у письмам йодат.

...

Салтакыш ӱжмӧ марте 2 арня кодын. Тиде гана салтакыш ӱжыктымӧ-влак кок пачашат пелылан шукемыт. Идалык мучаш марте салтак корныш шогалше-влакын чотышт 2300 еҥыш шушаш. Сарзе комиссариатын палемдымыже почеш, рвезе-влакым тӱрлӧ войскашке колташ тӱҥалыт. Тиде десант деч тӱҥалын пограничник марте. Ушештарена, армий радамыш 2008 ий гыч 1 ийлан налыт. А теве 2 ий да 8 тылзе нерген мут – шоя улеш. Тыгай пунчалым нигуштат пенгыдемдыме огыл.

Фтизиатор-влакым паша йодышышт тургыжландарыкта. Йошкар-Олаште эмлызе-влакын семинарышт эртен. Да кундемысе пӱсӧ йодышым тарватеныт. Тиде туберкулез ваштареш кучедалше диспансерыште пашам ыштымым. Специалист-влак палемдат, кундемыште туберкулез чер моткоч шарлен толеш. Тиде черым идалык еда 500 еҥын верештыт. Каласыман, нунын кокла гыч 82% эмганыше-влак пашам ыштен кертше ийготан улыт. Тыгак сатистика ончыкта, утларакшым пашадыме-влак тидын дене орланат. Нуно жапыштыже флюрографий снимкым огыт ыште. Тыгак палемдыман, туберкулез дене яллаште черланыше-влак утларак улыт. Тиде чер йодыш пӱсын Морко, Советский, Медведево, Килемар районлаште улеш. Тубдиспансер специалист-влакын иктешлымашышт почеш, черын икымше этапыштыже чын да писын палемден моштымо тиде йодышым куштылемдаш полшышаш.

...