14 январьыште «Газпром» Европышко угыч газым пуен. 13 январьыште Украина шке кумдыкшо гоч газым колтен огыл, да Балкан эл-влак шокшым вучен шуктен огытыл. Тидыжым тӱнямбал эскерыше-влак палемденыт. Эксперт-влакын рашемдымышт почеш, Курск областьышто газ пучышто давлений уло, а умбакыже канде тул огеш кай. «Газпром» вуйлатыше Алексей Миллерын ойлымыжо почеш, Киев пучым молан почын огыл, кызыт мартеат умылтарен огыл.

США ядерный вооуружений дене Россий дене келшымашыке шуаш тыршаш тӱҥалеш. Сайлыме президент Барак Обама тиде йодыш дене рашлыкым пурташ еҥым палемдаш шона, ойлен кушкыжмын сенатор-демократ Хиллари Клинтон. Ушештарена, Хиллари Клинтон США-н кугыжаныш секретарьже лиеш. Тидыже Барак Обаман у должностьышко шогалмекыже, 20-шо январьыште лиеш.

...

Лӱмгече календарь

Шорыкйол тылзын латвизымше кечынже 79 ий ончыч партий да кугыжаныш пашаеҥ Александр Иванович Авдеев шочын. Озаҥысе ял озанлык институтым пытарымеке, Куженер районысо Юледур машина станцийын агрономжылан шогалын. Кум ий Звенигово партий райкомым вуйлатен, варажым министр-влак погын вуйлатышын алмаштышыжлан 9 ий шоген. Тиддеч вара 16 ий тӱрлӧ министерстве-влакым вуйлатен. Суапле пашажлан «Знак почёта» да Йошкар Знамя Паша орден-влак дене палемдалтын.

1936-шо ийыште венгр литературовед Петер Домокош шочын. Тудо Урал воктенысе калык-влакын сылнымутыштым шымлен. Шке шымлымаш пашаж дене шуко гана Марий кундемыштат лийын. Ятыр марий поэтын почеламутыштым венгр йылмыш кусарен. Суап пашажлан 2 ий ончыч Марий Эл республикын чаптаныкше ден палемдалтын.

...

Лӱмгече календарь

Тиде кечын 1946-шо ийыште кумдан чапланыше мурызо Светлана Сергеевна Сушкина шочын. Шкеже Мари-Турек район Кукрем ял гыч. Мыланна опера мурызо семын палыме. Озаҥ консерваторийым тунем лекме деч вара, опер да балет театрыште пашам ышташ тӱҥалын. Суап пашажлан тиде талантан айдемым Марий Элын сулло артисткыже лӱм дене, а вара калык артисткыже лӱм дене палемденыт.

А кундемнан вес кумдан палыме мурызо Анатолий Алекссевич Шурыгинын шочмыжлан – 78 ий. Шочынжо тудо Саратов кундемыште, но Москосо консерваторийым тунем лекмеке, Эрик Сапаев лӱмеш опер да балет театрышке толын да 17 ий тыштак тыршен. Тенор. Тудын талантшым, усталыкшым ончен, Россий Федерацийын сулло артистше лӱм дене палемденыт.

...

Шорык.
Мутым пуэн улыда гын, шукташ тыршыза. Лектышыже кумылдам волта гынат, нигуш огыда йом.

Презе.
Вийдам чаманыза – арам ида пытаре.

Йыгыр.
Паша вашлиймашда сай лектыш дене куандара. Ты йӧным кидда гыч ида мучыштаре.

...

Шорык.
Тендам сай могырыш вашталтыш вуча. Шушаш жаплан паша кышкарым палемдыза.

Презе.
Ӱчашымаш да вурседылмаш деч кораҥаш тыршыза. Коклашке пурымаш тыланда гына эҥгекым конда.

Йыгыр.
Ты кечым канышлан пӧлекледа гын, тудым шке сӧрастарышаш улыда.

...

Юбилейные мероприятия, посвящённые 15-летию Государственного Собрания Республики Марий Эл

13 января 2009 года, в соответствии с программой мероприятий, посвящённых 15-летию Государственного Собрания Республики Марий Эл, состоялось расширенное заседание Президиума Государственного Собрания.

На заседание были приглашены председатели Государственного Собрания первого и второго созывов Смирнов А.А. и Жуков М.М., заместители председателей первых трех созывов, депутаты I-IV созывов, Первый заместитель Главы Правительства, министр сельского хозяйства, продовольствия А.Я.Егошин, прокурор Республики Марий Эл Г.А.Михопаркин, Заместитель Руководителя Администрации Президента, начальник государственно-правового управления Президента Г.Ф.Мякишев, Председатель Государственной счетной палаты республики С.Н.Зефиров, главы администраций муниципальных районов, кто в свое время являлся депутатом высшего законодательного органа государственной власти Республики Марий Эл.
...