Мо тугай википедий, чылан палат дыр. Википедий – тиде эрыкан энциклопедий, тудым ондак англичан йылме дене возаш тӱҥалыныт гын, кызыт марий йылме дене гына 2 википедий уло: олык марий дене – mhr.wikipedia.org да курыкмарий йылме дене – mrj.wikipedia.org.

...

М.Шкетан лӱмеш театр 20 мартыште марий драматург Вячеслав Абукаевын-Эмгакын драмыж почеш «Кайыккомбо кашта» спектакльым ончаш темла.

Лач тиде каштамак ончен, кайыккомбо-влак шокшо велыш чоҥештылыныт. Ойырленыт гынат, икмыняр жап гыч нуно уэш вашлийыныт. Айдеме илышыштат тыгак вет. Драмын геройжо-влакым Кугу Отечественный сар ойырен. Нунылан кайыккомбо кашта – шарнымаш кыл гаяк.

Авторын премьера деч вара ойлымыж гыч теве мо шарналтеш: тиде драмылан сюжетым телевизор дене кажне арнян ончыкталтше «Жди меня» передача пуэн.

...

Мланде чытырналтмаш да кугу вӱдтолкын деч вара Японий пеш кугу азапыш логалын. Тиде туткар годым 2500 еҥ колен, 2000 наре сусырген, 17000 утла еҥ увер деч посна йомшылан шотлалтеш. «Фукусима-1» атомный электростанцийыште чыла куд энергоблокшат локтылалтын, радиаций кажне шагатыште шарла. Тудо Японийын рӱдолаже марте, Токиошкат миен шуын. Росатом вуйлатыше Сергей Кириенкон мутшо почеш, Дальний Востоклан радиаций лӱдыкшӧ уке. Но еҥ-влак аптекылаште капкыл гыч радиацийым лукшо препарат-влакым наледен пытареныт, тыгак радиаций кугытым висыше прибор-влакат ужалымаште кодын огытыл.

...

Теҥгече «Корта» ече базыште «Марий Элын ечыгорныжо» таҥасымаш 7 гана эртен. Тений таҥасымашке 15 тӱжем наре ечызе погынен. 12 ияш марте йоча-влак 2 км куржыныт, молышт – 5 км. Шке ийготышт-влак коклаште сеҥыше-влаклан диплом ден шергакан пӧлекым кучыктеныт.

...