«Марий тиште кечылан тудо ямде лиеш» – тыге ойлат марий йылме дене чын возымым тергыше программын автор-влакше. Кызыт тудым webspell.fu-lab.ru сайтыште онлайн кучылташ лиеш.

Эн ондак чын возымым тергыше программе яра (окса деч посна) шаркалыме LibreOffice офис пакетлан келыштаралтеш. Модульын (файлын) лӱмжӧ mari_spell.oxt лиеш, тудым code.google.com сайт гыч налын, кеч-кӧ шке компьютерышкыже шынден кертеш.

Варажым марий спелл-чекерым Mozilla-ште да моло программылаште ужаш лиеш.