4 июльышто Чумблат курыкыш мийышым...

Чумбылат-20084 июльышто Чумблат курыкыш мийышым. Марий кумалтыш! Тиде кече чоныштем келге кышам коден…

Покто веле, корно сай! Марий Элысе корным ом мокто, но кунам Киров кундемыш куснет, шортын колтымо шуеш. Лӱмжо веле асфальт, такшым кыдыр-кадыр. Туге гынат йолташемын япон машинаже 180 меҥгым писын эртыш. Корно валне «Чимбулатов карьер» указатель шога. Изиш чын огыл, но йоҥылыш ужашыже марийлан келшен толеш: «чи» - чимарий, «булат» - кӱ, тугеже чимарий кӱ деке кумалаш миена. Карьер гоч корным петырыме, йыр пурыман. Тидыже изиш сырыкта, но «хозяйственный субъект» ваштареш шогаш неле. Умбакыже Чумблат курыкым эше ик «объект» вуча: карьер пелен цемент заводым почаш шонат. Цемент – тиде неле пурак, кудо пушеҥгыш шинчеш. Руш манмыла, держись, Курык Кугыза!

Калык иктаж 300 наре погынен, марий вургем дене толшо ятыр улыт, моло гунам тыште тынар ужын омыл ыле. Урал гыч Айметов Владимир Иванович («Успех» озанлыкым вуйлата) да молла Канакаев Леонид Иванович (Айметов дене ышта) толыныт ыле. Коктынат яндар вургем дене, Айметовын вуйышто бейсболка, возымо - «Тавра. 500 лет». Канакаев кужу ош вынерым чиен шынден, кугу кайык гай коеш. Школышто директорлан шогымыжым каласкалыш. Татарстан гыч Шабалин Леонид Васильевич кумалме нерген савыктышым конден, ужалыш; корнылан оксам погем, мане. Тиде мылынем келшыш: айдеме шке пашаже гоч корнылан тӱла. Угарман Тоншай район гыч Юсупов Юрий Авазович комбо дене толын, 250 меҥге! Тыштак мален. Шернур марий-влак автобус дене толыныт, районысо администраций келыштарен. Такшым тиде вер Шернур кундем дене чак кылдалтеш, садлан нине марий-влак тыште тӱҥ улыт. Полышкалыше-влакат тысе Кукнур вел гыч улыт. Кужеҥер марий-влак койыч: Горохов Анатолий (туныктышо, пенсионер), Каменьщиков Евгений («Мурсескем»)… Ола гыч шукын улыт ыле. Автобусым Шкетан театр ойырен, маныт. Тиддеч посна шке машинат дене толыныт. Ик чапле кашак шинчалан перныш: Ямбердов Иван (пеленже Тимофеев Николай Марий Турек гыч), Кудряшов Игорь, Васильев Андрей - Агур, Алексеев Роман. Козлов Владимир Никифорович книгам да «Погарня» газетын кокымшо номержым (8-ше Погынлан ямдылен, но поген налыныт ыле) ужалкалыш. Воронцов Вячеслав Петрович да Мочаев Валерий Александрович йыгыре сукалтеныт ыле. В.А. комбым пӧлеклен.

Кумалтыш ныл шагатлан веле тӱҥале, шагат утла эртыш. Теркупшан-влакым ончыл радамыш шогалтышт, 22 марийым шотлышым. Вес ийлан мыят теркупшым чияш шонышым. Танаков Виталий упшан ыле гынат, ала-молан ончыко ыш шогал, а шкеже онаеҥ улам, манеш (книгаште воза). Эскераш ала ончаш Киров кундемысе милиционер-влак толыныт ыле.

Мамаев Вячеслав Михайлович кумалтышым вӱдыш. Пеш кертеш. Марий йылмыже тугай поян, мый чылажым шымат умыло, ала шеҥгелне улмылан кӧра. «Пулемёт» гай колта. Мамаев деч вара Таныгин Александр Иванович чоклаш тӱҥалеш, шонышым. Уке, теркупшан-влаклан мутым пуышт. Моткоч демократично! Теркупшан улат гын, калык ончылно Курык Кугыза дене кутырен кертат! Чылан ышт ойло, тидат келшыш. Калык ончылно чоклаш – тиде кугу ответственность.

Кочкыш тутло ыле: шылан лем (тыгай шылжым кок килом кочкат гынат, от тем) да пучумыш.

Кумалтыш пытыме деч вара калык (черетым ончыде) Таныгин дек кидым пуаш шогале. Тиде жапыште Мамаев кумалме солыкым самырык еҥ-влаклан пуэдыш. Вес ганат толаш кумылжо лийже, манын. Ала вес шонымаш дене – тидым шым рашемде.

Вес ийлан толаш кумыл кугу.

Изи Костивуй
скачать dle 10.2 КиноСвин
Автор: user | Дата: 10 июля 2008 | Просмотров: 7630 Коментарии: 8
#1 написал: Валентин (11 июля 2008 11:09)
Пеш онгай...Шке шинчадене ужмо шуеш. no
    #2 написал: Evika ELmut (11 июля 2008 21:34)
    Ончемат, пУсО шинчан улыда... =) да чыла раш каласкален моштеда!

    Палме шуэш: кО тиде статьям возен?
    Кеч "по-секрету" возен кертыда? smile
    Адрес: evika@nm.ru
      #3 написал: izikosti (15 июля 2008 14:07)
      Evika ELmut,
      Эвика, шкежат лумет ала-молан от поч. Ала "по-секрету" каласет ыле? Мый Костивуйын изи эргыже улам. Анекдот-влакым йоратем. Тылат могай анекдот келша?


        #4 написал: Keche1 (18 июля 2008 14:05)

        Хватит уже о религиях статьи помещать, не надо народ звать в секту! Лучше бы о Марийском языке побольше бы информации или книг загрузили.

        Гимн неверующих.

        Шагает по России нищета, да не одна, а с голодом...
        Разврат и пьянство безработных в океане детских слёз...
        Пора беду остановить, что ходит нагло по миру,
        А где деньжат на это взять? - легко решаемый вопрос!:

        Припев:
        Давайте разберём все церкви и мечети по кирпичикам,
        А вместо них построим школы иль дадим бездомным кров!
        Конец пришёл насильно созданным религиям!!!
        Ими достаточно всем нам промыли мозг!

        Наши бесстыжие цари придуманому богу молятся,
        Са своё зло прощенья просят у немых икон...
        И нет им дела до людей, что ими обворованы!
        Мы учим до сих пор урок эСэСэСэРовских времён!

        Припев:
        Давайте разберём все церкви и мечети по кирпичикам,
        А вместо них построим школы иль дадим бездомным кров!
        Конец пришёл насильно созданным религиям!!!
        Ими достаточно всем нам промыли мозг!

        Не должно быть ни одной религии и ни одной веры, ни одной мечети и ни одной церкви, т.к. с их помощью в мире идут ВОЙНЫ!!!
        МАРИЙСКИЙ "ВАТИКАН" вы создать не хотите, чтобы обворовывать чужих, а не своих, так вот тогда и не должно быть и нашей Марийской веры. Оставьте только марийский язык, очистите его от всех заимствований и развивайте его! Пока существует чистый Марийский язык - тогда будет существовать и вся Марийская нация!
          #5 написал: тылзе (20 июля 2008 16:58)
          тиде кече манмет, изиш ырен каен, могай
            #6 написал: Поро (22 июля 2008 10:32)
            Качымарийым тудлан кӱлеш... smile да пушкыдо тӧшак... )))))
              #7 написал: user (4 августа 2008 08:49)
              Можыч, Кечым ик пӧръеҥжат ок ончо тушто (Швецийыште).
              Вот орлана вет ӱдыр пӧръеҥ деч посна.
                #8 написал: vasilek (14 августа 2008 14:28)
                Да, вот тыге йолташвлак, Европыш каят да вара марий эрге деч посна орланат!

                Светлаков манмыла, шке чывым шке агутан тошкышаш !
                    • Для того чтобы написать комментарий к этой новости, пожалуйста, нажмите сюда.


                    Яндекс.Погода
                    Реклама в какой из "бесплатных" газет наиболее эффективная? (г.Йошкар-Ола)
                    Ва-Банк. Йошкар-Ола
                    Ваш новый день
                    7 дней
                    Известия Марий Эл
                    Прогород
                    Другая
                    Архив новостей
                    Популярные новости
                    Vps extra best cheap vps regvps.com.