7 майыште Моско олаште сайлыме Россий Президентын Дмитрий Медведевын инагурацийже лийын. Россий Президент пашам таче кече гыч Дмитрий Медведев шукташ тӱҥалеш. Тидын нерген премьер-министр Виктор Зубков иноагураций деч вара кӱштымашым пеҥгыдемден. Тиде годым Дмитрий Медведев премьер порысым шуктышым (исполняющий обязанности премьерам) палемда. Да у Виктер вуйлатышым (Председатель правительствым) пеҥгыдемдыме марте министр-влаклан ыштышаш пашам шеледа. Каласаш кӱлеш, Российын историйыштыже Виктекрын паша деч кораҥмыже чот почеш 11 лиеш. А инагураций дене кылдалтме дене - 5 гана.6 майыште Кремыльыште Дмитрий Медведев ден Леонид Маркеловын вашлиймашышт эртен. Тыште сайлыме Россий Президент да Марий Эл Республикын президентше кундемнан илышкыл да экономик вияҥме дене кылдалтше йодыш-влакым каҥашеныт. Вашлиймаште тӱҥ лончылышаш йодыш – тиде 7-ше Россий кӱкшытысӧ спорт модмаш лийын. Тыгакак Леонид Маркелов кундемнан тӱзланыме, вияҥме нерген палемден. Каласаш кӱлеш, йӧнозанлык йӧндартыш вияҥме дене Марий Эл Юл кундем федерал округышто ончыл верыште улеш. Ввашлиймаште тыгак тазалыкаралтыш, ветеран-влакым илышкыл асулымаш (социальное обслуживание) йодышымат тарватеныт. Да Леонид Маркеловын палемдымыж почеш вашлиймаш пайдалын эртен. Тидын нерген Маримедиа сайт увертара.
Марий мут – электрон спискыште. Марий кугыжаныш университетысе финн-угор йылме кафедрын вуйлатышыже Олег Сергеев кодшо кечылаште Финляндийысе Турку университет гыч шымлыше командировке гыч пӧртылын. Кок тылзе жапыште «Йошкар кече» газетын йылмыже да стильже» проект дене пашам ыштен. Газет гыч микрофильмым Финляндийысе, Россий да Эрвел Европа институтын йодмыж почеш Санкт-Петербургышто ыштыме. Палемдыман: Олег Сергеевын, Лидия Матросован да тыгак финн да япон шымлызе-влак дене пырля ыштыме пашашт кодшо ий мучаште ош тӱням ужын. Электрон спискыште марий, мордва да одо мут-влак дискым руш да англичан йылме дене луктыныт.
18 шӧртньӧ медальым мемнан боксер-влак сеҥен налыныт. Каныш кечылаште Волжск кундемыште бокс дене Россий кӱкшытысӧ турнир эртен. Да спортсмен-влак Российын чемпионжо Олег Наумовын призше верч таҥасеныт. Турнирыш 249 спортсмен Одо, Татарий, Чуваш, Пенза, Самара кундем гыч да тыгак Марий Эл гыч погыненыт. Ӱчашымаште чылажге 50 комлект медальлан таҥасеныт. Каласаш кӱлеш, Волжск олаште тыгай турнир тений 7-ше гана эртаралтын. Турнирыш толшо уна, спортсмен да судья-влак эртыше ӱчашымаш кугу кӱкшытыштӧ эртен манын палемденыт.
Сеҥымаш кечылан каныме полатлаште да тунемме тӧнежлаште кажне ийын шуко мероприятийым ямдылат. Тиде кечылаште Йошкар-Олаште Евсеев лӱмеш Марий кугыжаныш тоштерышат лӱмын ончер почылтын. Сар годсо ӱзгар ден арвер, оҥай экспонат-влакым калык ончыко луктыныт. Историй сынан ончер – тиде еҥ-влакын илышышт. Тоштерыште улшо арвер-влак чын лийше событий, куан да ойго нерген каласкалат, айдемын илышыжын ик татше дене палдарат.
Сеҥымаш кече лишемеш. Тидын дене кылдалтын Кундемна мучко Кугу Отечественный сарыште кучедалше-влакым шарныме кечылан ямдылалтме паша каен шога. Теве Йошкар-Олаште строй дене ошкыл эртымын кугу репетицийжым эртарат. Тыге Ленин проспект мучко 2 000 утла еҥ пайрем колонне дене, строй дене ошкылыт. Палемдыман, тыште школышто тунемше, самырык салтак, Волжск, Советский, Медведево кундем гыч кадет-влак да тале спортсмен-влак строй дене каят. Каласаш кӱлеш, кадет-влак Сеҥымаш кечылан пӧлеклтше парадлан октябрь тылзыштак ямдылалташ тӱҥалыныт.
Аня Левагина
Увер йогын (mp3)