Таче Российыште шошымсо призыв компаний тӱҥалеш. Тидын шотышто пунчалым элын Президентше Дмитрий Медведев пеҥгыдемден. Россий сарзе вийын уверже дене, шошым арамий радымыш 305 тӱжем самырык еҥ ушна, тидыже кодшо ийысе деч кок пачаш шукырак. Тений шошым ик ийлан армийыш кайыше-влак мӧҥгышт пӧртылыт. Тыгак икымше гана призыв комиссийыште сарзе врач-влак лийыт. Таче кече гыч чыла кундемлаште призыв комиссий-влак пашам ышташ тӱҥалыт. Марий Эл гыч армий радамыш ик тӱжем наре рвезе ушна. Нуно могай кундемыште службым эрташ тӱҥалыт, пале огыл, но, очыни, шукынжо сухопут войскашке каят. Самырык-влак ВДВ, спецназ, теҥыз пехотышто службым эрташ кумылыштым ончыктат.

Таче кече гыч пенсийын страховой ужашыже 17,5 процентлан кугемеш. Тидым 170 тӱжем еҥ шижеш. Индексаций деч вара шоҥгылык дене пенсий 363 теҥгелан шукемеш, да кокла шот дене 4690 теҥгешке шуэш. Тений пенсийым кокымшо гана кугемдат. Икымше гана пенсийым мартыште 8,7 процентлан ешареныт. Декабрь тылзыште илалше-влак пенсийым эше 30 процентлан шукырак налаш тӱҥалыт. Тыге пенсий илен лекташ ситыше кугыт наре лийшаш. Марий Элыште кажне нылымше еҥ пенсионер, тидыже 185 тӱжем еҥ.

...

Лӱмгече календарь

Вӱдшор тылзын кокымшо кечынже уло тӱня йоча книга кечым палемда. Тиде кечын йоча – влаклан йомакым возышо эн йӧратыме писатель Ханс Кристиан Андерсен шочын. «Гадкий утенок», «Стойкий оловянный солдатик», «Снежная королева», «Огниво», «Русалочка» йомак–влакым серен.

1936-шо ийыште Морко район Нуръял Корамас ялыште шанчыеҥ Евдокия Васильевна Товашова шочын. Паша корныжо тӱҥ шотышто Марий кугыжаныш университетыште эртен. Ял озанлык шанче кандидат марте шуын. Марий Элысе ял озанлыкын сулло пашаеҥже.

Тиде кечынак Шернур кундемыште самодеятельный композитор Александр Леонидович Иванов шочын. 5 ий ончыч тудо «Такмак он» республикысе конкурсышто призёр-влак радамыш лектын. Уста семмастар.

...

Лӱмгече календарь

Вӱдшор тылзын икымше кечынже эн весела пайрем палемдалтеш – Окмакын кечыже але Воштылчык кече. Тиде кечын чылан ваш–ваш ондалкалат, тӱрлӧ мыскарам ыштат. Ты йӱла Францийыште лектын улмаш. Ожно «окмак–влакын пайремыштым» 17 февральыште палемденыт.

Тиде кече тыгак кайык пайрем семын палыме. Тудо 1906-шо ий гыч палемдалтеш. Вӱдшор тылзын икымше кечынже кайыкым аралыме калык кокласе конвенцийыш кидым пыштыме, а Россий тидын деке 1927-ше ийыште ушнен.

Никон Васильевич Игнатьев – курыкмарий литературлан негызым пыштыше писатель-классик. Тудо 1895-ше ийыште 1 апрельыште Курыкмарий вел Салымсола ялыште шочын. Эн ончыч пошкудо Картук школышто тунемын, вара Шурдӱҥ воктене улшо монастырь пеленсе кок классаш школыш пурен, но окса укелан кӧра тунем пытарен огыл. 1919-ше ийыште Наркомнацын ӱжмыж почеш Никон Васильевич Озаҥыш каен да «Незерын шамакшы» лӱман икымше курыкмарий газетым лукташ тӱҥалын. Икмыняр жап гыч газетым Козьмодемьянск олашке кусареныт. Игнатьев тыштат тыршен да тидын годымак ятыр серен. Тудын «Вурс мардеж» романже-икымше марий романлан шотлалтеш. Тыгак «Савик», «Туан сандалык» романже-влак палыме улыт.

68 ий ончыч Пенза кундемысе Ильмино селаште шанчыеҥ Алексей Яковлевич Акишин шочын. Йошкар-Олашке 1971-ше ийыште толын да Марий кугыжаныш университетышке пашам ышташ пурен. 5 ий кушкыл-влак кафедрымат вуйлатен. Ял озанлык шанче кандидат, профессор. Россий Федерацийысе кӱшыл школын сулло пашаҥеже.

...

Хоккейный сезон завершен! В минувшие выходные в Йошкар-Оле прошли заключительные игры чемпионата республики по хоккею. На арене ледового дворца «Марий Эл» в двух играх - матче за третье место и финале - была определены три сильнейших коллектива.

И хотя чемпион республики определяется в регулярном чемпионате, и игр плей-офф не предусмотрено, последний матч сезона стал финальным. И понимая всю важность момента, организаторы решили провести эту встречу не в ледовом катке стадиона «Дружба», в котором проводили свои игры столичные и пригородные команды, а на центральной арене республики – в ледовом дворце «Марий Эл».

...