Лӱмгече календарь
Вӱдшор тылзын икымше кечынже эн весела пайрем палемдалтеш – Окмакын кечыже але Воштылчык кече. Тиде кечын чылан ваш–ваш ондалкалат, тӱрлӧ мыскарам ыштат. Ты йӱла Францийыште лектын улмаш. Ожно «окмак–влакын пайремыштым» 17 февральыште палемденыт.
Тиде кече тыгак кайык пайрем семын палыме. Тудо 1906-шо ий гыч палемдалтеш. Вӱдшор тылзын икымше кечынже кайыкым аралыме калык кокласе конвенцийыш кидым пыштыме, а Россий тидын деке 1927-ше ийыште ушнен.
Никон Васильевич Игнатьев – курыкмарий литературлан негызым пыштыше писатель-классик. Тудо 1895-ше ийыште 1 апрельыште Курыкмарий вел Салымсола ялыште шочын. Эн ончыч пошкудо Картук школышто тунемын, вара Шурдӱҥ воктене улшо монастырь пеленсе кок классаш школыш пурен, но окса укелан кӧра тунем пытарен огыл. 1919-ше ийыште Наркомнацын ӱжмыж почеш Никон Васильевич Озаҥыш каен да «Незерын шамакшы» лӱман икымше курыкмарий газетым лукташ тӱҥалын. Икмыняр жап гыч газетым Козьмодемьянск олашке кусареныт. Игнатьев тыштат тыршен да тидын годымак ятыр серен. Тудын «Вурс мардеж» романже-икымше марий романлан шотлалтеш. Тыгак «Савик», «Туан сандалык» романже-влак палыме улыт.
68 ий ончыч Пенза кундемысе Ильмино селаште шанчыеҥ Алексей Яковлевич Акишин шочын. Йошкар-Олашке 1971-ше ийыште толын да Марий кугыжаныш университетышке пашам ышташ пурен. 5 ий кушкыл-влак кафедрымат вуйлатен. Ял озанлык шанче кандидат, профессор. Россий Федерацийысе кӱшыл школын сулло пашаҥеже.
1934-ше ийыште туныктыш пашаеҥ Анна Ивановна Бякова шочын. Паша корныжо Советский посёлкысо 1 №-ан школышто тӱҥалын. Умбакыже вуйлатышын алмаштышыжлан, завучланат тыршен. Россий Федерацийысе школын сулло туныктышыжо.
Йошкар-Олаште шочын-кушшо спортсмен Вячеслав Михайлович Щегловлан – 59 ий. 1994-ше ий гыч тудо «Щеглов» лӱман ушемын вуйлатышыжлан шогалын. Автомобиль спорт дене Совет Ушем чепион лӱмымат сулен налын. Олык Ипай лӱмеш премийын лауреатше, Совет Ушем спорт мастер.
Вӱдшор тылзын икымше кечынже Дарья, Иллария, Иннокентий, Мариан, Софья–влакын лӱм кечышт.
Матвеев Владимир
Вӱдшор тылзын икымше кечынже эн весела пайрем палемдалтеш – Окмакын кечыже але Воштылчык кече. Тиде кечын чылан ваш–ваш ондалкалат, тӱрлӧ мыскарам ыштат. Ты йӱла Францийыште лектын улмаш. Ожно «окмак–влакын пайремыштым» 17 февральыште палемденыт.
Тиде кече тыгак кайык пайрем семын палыме. Тудо 1906-шо ий гыч палемдалтеш. Вӱдшор тылзын икымше кечынже кайыкым аралыме калык кокласе конвенцийыш кидым пыштыме, а Россий тидын деке 1927-ше ийыште ушнен.
Никон Васильевич Игнатьев – курыкмарий литературлан негызым пыштыше писатель-классик. Тудо 1895-ше ийыште 1 апрельыште Курыкмарий вел Салымсола ялыште шочын. Эн ончыч пошкудо Картук школышто тунемын, вара Шурдӱҥ воктене улшо монастырь пеленсе кок классаш школыш пурен, но окса укелан кӧра тунем пытарен огыл. 1919-ше ийыште Наркомнацын ӱжмыж почеш Никон Васильевич Озаҥыш каен да «Незерын шамакшы» лӱман икымше курыкмарий газетым лукташ тӱҥалын. Икмыняр жап гыч газетым Козьмодемьянск олашке кусареныт. Игнатьев тыштат тыршен да тидын годымак ятыр серен. Тудын «Вурс мардеж» романже-икымше марий романлан шотлалтеш. Тыгак «Савик», «Туан сандалык» романже-влак палыме улыт.
68 ий ончыч Пенза кундемысе Ильмино селаште шанчыеҥ Алексей Яковлевич Акишин шочын. Йошкар-Олашке 1971-ше ийыште толын да Марий кугыжаныш университетышке пашам ышташ пурен. 5 ий кушкыл-влак кафедрымат вуйлатен. Ял озанлык шанче кандидат, профессор. Россий Федерацийысе кӱшыл школын сулло пашаҥеже.
1934-ше ийыште туныктыш пашаеҥ Анна Ивановна Бякова шочын. Паша корныжо Советский посёлкысо 1 №-ан школышто тӱҥалын. Умбакыже вуйлатышын алмаштышыжлан, завучланат тыршен. Россий Федерацийысе школын сулло туныктышыжо.
Йошкар-Олаште шочын-кушшо спортсмен Вячеслав Михайлович Щегловлан – 59 ий. 1994-ше ий гыч тудо «Щеглов» лӱман ушемын вуйлатышыжлан шогалын. Автомобиль спорт дене Совет Ушем чепион лӱмымат сулен налын. Олык Ипай лӱмеш премийын лауреатше, Совет Ушем спорт мастер.
Вӱдшор тылзын икымше кечынже Дарья, Иллария, Иннокентий, Мариан, Софья–влакын лӱм кечышт.
Матвеев Владимир
