Уста поэт, киноактер Йыван Кырлан шочмо верже - Шернур районысо Оно-Морко Купсола. Тений Йыван Кырлалан 100 ий. Тидын лӱмеш ялысе калык ял покшелне чапланыше поэт, да киноактерлан шарныме кӱым вераҥдаш шона, тидлан оксам шке вийже дене пога. Тиде пашашке Шернур районысо Марисола школын тунемшыже, да йочасадыш коштшо-влак ушненыт. Нуно воктенсе яллашке концерт дене лектыт, а погымо оксам шарнымаш кӱйым ышташ колтат. 14 майыште «Саскавий» ӱдырамаш ушем Йошкар-Олаште Марий самырык театрыште Купсола ялын уста еҥже-влак дене вашлиймашым эртара. Концерт деч погымо оска чапкӱм шындаш кая.
Марий Элысе инвалид-влаклан у йӧн - социал такси. «Социал такси» дене Кугу сарын инвалидше да тыгак моло инвалид-влакат пайдаланаш тӱҥалыт. Тиде такси дене коляска дене коштшо инвалид-влак коштын кертыт. Социал аралтыш министерствын пресс-службыжын палдарымыже почеш, такси дене каяш йодмашым Волжскышто 4-33-02, Йошкар-Олаште 72-15-80 дене ик сутка ончыч йыҥгыртен пуыман. Республикыште социал таксим ышташ мемнан кундемыште инвалид-влакым коштыкташ улшо автомашиналан кӧра лектын. Икмыняр ий ончыч уш дене вараш кодшо инвалид икшыве-влаклан Савинысе интернатлан да Волжск олаште верланыше инвалид йоча-влаклан реабилитаций рӱдерлан автобусым налме. Тидым «Российын икшывыже-влак» программа дене республикысе бюджет кӱшеш ыштыме. Ынде инвалид-влаклан келыштарыме микроавтобус моло инвалид-влакланат йӧнан лиеш.
«Россий» телеканал «Иван Грозный» шуко сериян телефильмым ончыкташ тӱҥалын. Тиде фильм мемнан кундемыште илыше-влаклан оҥай, вет тудым мемнан кундемын эргыже, композитор Андрей Яковлевич Эшпайын эргыже, кинорежиссер -Андрей Андреевич Эшпай ыштен. Рольым Евгения Симонова, Чулпан Хаматова, Евгений Цыганов, Александр Демидов да молат модыт. Эпизодлаште Марий Эл сымыктышын сулло пашаеҥже Василий Пектеевым, М.Шкетан лӱмеш кугыжаныш драм театрын артисткыже Марина Почтеневам ужаш лиеш. Семым СССР-ын калык артистше композитор Андрей Эшпай возен. Фильмыште режиссерын асисстентше Василий Пектеев. Икымше серийыште Василий Пектеев ик эпизодышто марий картым модын. Кугыжа Василий III карт дек толеш. Кугыжан шуко жап икшывыже шочын огыл, садланак карт Ош Кугу юмо деч кугыжалан икшывым йодеш, юмын йулам чӱктен, чокылмо мутым сериалыште марла пелешта. Фильм 16 сериян, тудо пуламыран ХVI курымыш пöртылта.
Марина Глушкова
Марий Элысе инвалид-влаклан у йӧн - социал такси. «Социал такси» дене Кугу сарын инвалидше да тыгак моло инвалид-влакат пайдаланаш тӱҥалыт. Тиде такси дене коляска дене коштшо инвалид-влак коштын кертыт. Социал аралтыш министерствын пресс-службыжын палдарымыже почеш, такси дене каяш йодмашым Волжскышто 4-33-02, Йошкар-Олаште 72-15-80 дене ик сутка ончыч йыҥгыртен пуыман. Республикыште социал таксим ышташ мемнан кундемыште инвалид-влакым коштыкташ улшо автомашиналан кӧра лектын. Икмыняр ий ончыч уш дене вараш кодшо инвалид икшыве-влаклан Савинысе интернатлан да Волжск олаште верланыше инвалид йоча-влаклан реабилитаций рӱдерлан автобусым налме. Тидым «Российын икшывыже-влак» программа дене республикысе бюджет кӱшеш ыштыме. Ынде инвалид-влаклан келыштарыме микроавтобус моло инвалид-влакланат йӧнан лиеш.
«Россий» телеканал «Иван Грозный» шуко сериян телефильмым ончыкташ тӱҥалын. Тиде фильм мемнан кундемыште илыше-влаклан оҥай, вет тудым мемнан кундемын эргыже, композитор Андрей Яковлевич Эшпайын эргыже, кинорежиссер -Андрей Андреевич Эшпай ыштен. Рольым Евгения Симонова, Чулпан Хаматова, Евгений Цыганов, Александр Демидов да молат модыт. Эпизодлаште Марий Эл сымыктышын сулло пашаеҥже Василий Пектеевым, М.Шкетан лӱмеш кугыжаныш драм театрын артисткыже Марина Почтеневам ужаш лиеш. Семым СССР-ын калык артистше композитор Андрей Эшпай возен. Фильмыште режиссерын асисстентше Василий Пектеев. Икымше серийыште Василий Пектеев ик эпизодышто марий картым модын. Кугыжа Василий III карт дек толеш. Кугыжан шуко жап икшывыже шочын огыл, садланак карт Ош Кугу юмо деч кугыжалан икшывым йодеш, юмын йулам чӱктен, чокылмо мутым сериалыште марла пелешта. Фильм 16 сериян, тудо пуламыран ХVI курымыш пöртылта.
Марина Глушкова
