10 январьыште Сыктывкарысе Кугыжаныш службо академийыште Коми-руш электрон мутер дене палдареныт. Электрон мутерым академийысе Регионкокласе лабораторий, Норвегий гыч Тромсё оласе университетын Гиеллатекно рӱдер да Финляндий гыч кумдан палыме шанчыеҥ Джек Рютер ыштеныт.
Гиеллатекно рӱдер ондак саам йылме-влаклан гына электрон мутер, морфоанализатор да тӱрлӧ кӱлеш ӱзгар-влакым ыштен гын, кызыт Российысе Баренц-регионыш пурышо йылме-влак денат пашам ышташ тӱҥалын. Тиде рӱдерым марий йылмым сайын палыше профессор, шанче доктор Тронд Тростеруд вуйлатен шога. Гиеллатекно рӱдерын вотлаштыкше http://giellatekno.uit.no/rus.html кылвер дене верланен (Мозилыште огеш почылт гын, Гугл Хромым кучылтса).
Коми-руш электрон мутерым http://victorio.uit.no/webdict/index_kom-rus.html адрес дене муаш лиеш.
Фото-влакым 2011 ийыште Денис Речкин ыштен