Пенсийым жапыштыже намийыдымылан вуйым шийыныт. Курыкмарий кундемыште кодшо ийын декабрь тылзыште пенсийым жапыштыже пуымо тӧртыкшот шуктымым тергеныт. Тергымашке почто кыл пашаеҥ-влакат логалыныт. Пурышо йодмашым лончылымо годым октябрь тылзыште сулен налме канышыште улшо 65 еҥлан жапыштыже оксам намиен шуктен огытыл. Тидыже ял-влак мӱныднӧ верланыме дене умылтарат. Тӧртык пудыртымаш дене Курыкмарий почтамт вуйлатышышлан ойвозышым (представленийым) возымо. 5 пашаеҥлан дисциплин муткучышым кучаш пуэныт.
Мӧҥгӧ правам аралыше-влакын машинашт дене каяш шонышат улыт. Тыгай шонымашан-влак Курыкмарий кундемыште илат. Тений 5 январьыште Козьмодемьянск оласе «Лимончик» кевыт воктене ончычсо шотэскерче олан ик мучашыже гыч вес мучашке каяш шонене. Окса чӱдылыклан кӧра, кевытысе омсаш тӱкален. Тудын шонымыже почеш, сигнализаций пашам ыштымек, ведомство специалист-влак мийышаш улыт ыле. Но тыге сигнализаций пашам ыштен огыл, садлан тудо вийым пыштен, яндам шалатен. Титакан улмыжым шижын, лишыл гимназийышке полышым йодын миен. Тыге тудлан тӱжем теҥге штрафым да эҥгекым ыштыме акым тӱлаш пуэныт.
Йошкар-Оласе кином ыштыше-влак Россий кӱкшытышкӧ лектыныт. Самырык кинематографист-влакым фестивальышке ӱжыныт. Тудо Липецк олаште 26 гыч 30 март коклаште «Весенняя капель» лӱм дене эрташ тӱҥалеш. «Трек» киностудий шкланышт экологий темым ойырен налыныт. Фестиваль йоча-влакын тӱня умылымашышытым почын пуаш, шижмашыштым, ончыкылык шонымашыштым ончыкташ полша. Палдарена, жюриште кумдан палыме кинорежиссер, профессор Эдуард Розовский лиеш.
ГИБДД пашаеҥ-влак корно «зебрым» йолӱмбаке шогалтат. Пургыж тылзын Йошкар-Олашсе корнывожлаште кугу курчакым шогалтат, кудыжлан зебра гаяк келыштарыме вургемым чиктат. Виктем пашаеҥын Светлана Срединан палдарымыже почеш, ты паша машинам виктарыше да йолешке-влак дене корнышто туткар-влак шагалемме дене эртаралтеш. Мутлан, ты йӧным кучылтын У ий пайрем вашеш корнывожлаште Йӱштӧ Кугызам да Лумӱдыр-влак шогеныт. Тиде кечылаште корно туткар-влак шагалрак лийын.
Кажне кече гаяк банк пашеҥ-влак шоя оксам муыт. Тиде кечылаште адакат 3 купюрым кученыт. МВД пресс-службын увертарымыже почеш, иктыжым перерасчетым ыштыме годым да кок шоя окса купюрым кугыжаныш банкышке экспертизым колтымо годым муыныт. Шоя оксам ыштыше-влак утларакшым кугурак окса нерген шонат. Садлан тӱжем теҥгеаш оксам утларак чиялтат.
Телымсе спартакиадылан Марий Элысе командым чумырымо. 6 февральыште йоча пӧртышто да интернатлаште илыше Российын 28 субъектше гыч 440 йоча ӱчашымашке толшаш. Марий Эл республикын чапшым 2 команда аралаш тӱҥалеш. Изирак ийготан-влак командым Волжск оласе школ-интернатыште тунемше йоча-влак, а кугурак группым – Люльпан йоча пӧртын икшывыже-влак аралаш тӱҥалыт. Йоча-влак спортын 4 турлӧ видше дене таҥасаш тӱҥалыт.
Йошкар-Ола кокымшо гана капоэйрын рӱдыжӧ лиеш. Каныш кечылаште афро-бразильский кучедалме сымыктышым аклыше-влак иквереш чумыргат. Тиде Татарстан, Киров, Москва гыч толшо-влак лийыт. Ӱмашсе семынак семинарым капоэйрын мастерже-влак вӱдаш тӱҥалыт. Лӱмын Алжира гыч инструкторым ӱжыктат. Ты годым тренировка гына огыл, тыгак бразилийысе куштымаш дене мастер-класс-влак эрта. 1 февральыште эртыше семинарышке кумылан-влак Ленин лӱмеш тӱвыра полатышке миен кертыт.
Аня Левагина
Мӧҥгӧ правам аралыше-влакын машинашт дене каяш шонышат улыт. Тыгай шонымашан-влак Курыкмарий кундемыште илат. Тений 5 январьыште Козьмодемьянск оласе «Лимончик» кевыт воктене ончычсо шотэскерче олан ик мучашыже гыч вес мучашке каяш шонене. Окса чӱдылыклан кӧра, кевытысе омсаш тӱкален. Тудын шонымыже почеш, сигнализаций пашам ыштымек, ведомство специалист-влак мийышаш улыт ыле. Но тыге сигнализаций пашам ыштен огыл, садлан тудо вийым пыштен, яндам шалатен. Титакан улмыжым шижын, лишыл гимназийышке полышым йодын миен. Тыге тудлан тӱжем теҥге штрафым да эҥгекым ыштыме акым тӱлаш пуэныт.
Йошкар-Оласе кином ыштыше-влак Россий кӱкшытышкӧ лектыныт. Самырык кинематографист-влакым фестивальышке ӱжыныт. Тудо Липецк олаште 26 гыч 30 март коклаште «Весенняя капель» лӱм дене эрташ тӱҥалеш. «Трек» киностудий шкланышт экологий темым ойырен налыныт. Фестиваль йоча-влакын тӱня умылымашышытым почын пуаш, шижмашыштым, ончыкылык шонымашыштым ончыкташ полша. Палдарена, жюриште кумдан палыме кинорежиссер, профессор Эдуард Розовский лиеш.
ГИБДД пашаеҥ-влак корно «зебрым» йолӱмбаке шогалтат. Пургыж тылзын Йошкар-Олашсе корнывожлаште кугу курчакым шогалтат, кудыжлан зебра гаяк келыштарыме вургемым чиктат. Виктем пашаеҥын Светлана Срединан палдарымыже почеш, ты паша машинам виктарыше да йолешке-влак дене корнышто туткар-влак шагалемме дене эртаралтеш. Мутлан, ты йӧным кучылтын У ий пайрем вашеш корнывожлаште Йӱштӧ Кугызам да Лумӱдыр-влак шогеныт. Тиде кечылаште корно туткар-влак шагалрак лийын.
Кажне кече гаяк банк пашеҥ-влак шоя оксам муыт. Тиде кечылаште адакат 3 купюрым кученыт. МВД пресс-службын увертарымыже почеш, иктыжым перерасчетым ыштыме годым да кок шоя окса купюрым кугыжаныш банкышке экспертизым колтымо годым муыныт. Шоя оксам ыштыше-влак утларакшым кугурак окса нерген шонат. Садлан тӱжем теҥгеаш оксам утларак чиялтат.
Телымсе спартакиадылан Марий Элысе командым чумырымо. 6 февральыште йоча пӧртышто да интернатлаште илыше Российын 28 субъектше гыч 440 йоча ӱчашымашке толшаш. Марий Эл республикын чапшым 2 команда аралаш тӱҥалеш. Изирак ийготан-влак командым Волжск оласе школ-интернатыште тунемше йоча-влак, а кугурак группым – Люльпан йоча пӧртын икшывыже-влак аралаш тӱҥалыт. Йоча-влак спортын 4 турлӧ видше дене таҥасаш тӱҥалыт.
Йошкар-Ола кокымшо гана капоэйрын рӱдыжӧ лиеш. Каныш кечылаште афро-бразильский кучедалме сымыктышым аклыше-влак иквереш чумыргат. Тиде Татарстан, Киров, Москва гыч толшо-влак лийыт. Ӱмашсе семынак семинарым капоэйрын мастерже-влак вӱдаш тӱҥалыт. Лӱмын Алжира гыч инструкторым ӱжыктат. Ты годым тренировка гына огыл, тыгак бразилийысе куштымаш дене мастер-класс-влак эрта. 1 февральыште эртыше семинарышке кумылан-влак Ленин лӱмеш тӱвыра полатышке миен кертыт.
Аня Левагина
