Российыште бензин шулдештеш. «Росстанын» палдарымыже почеш, пытартыш ийласе акым ончалаш гын, бензин 18 теҥге деч шулдо. Но тӱрлӧ кундемлаште тудын акше ойыртемалтеш. Теве апрель тӱҥалтыште Озаҥыште ик литр 92 марке бензин кокла шот дене 15 теҥге шоген гын, Анадырьыште - 40 теҥге. Марий Элын кажне районыто бензинлан ак тӱрлӧ: 17 гыч 21 теҥге марте. Автомашинам вӱдышӧ-влакын эскерымышт почеш, Марий Элыште эн шерге бензин Шернур районышто.
Петербургышто Виктрой Цойлан чапкӱ лиеш. «Кино» группын ончылеҥжылан, колымо кечынже, монументым 2010 ий 15 августышто почаш шонат. Чапкӱм Санкт-Петербургышто кок верыште шындаш шонымаш уло. Тиде Рубинштейн урем, 13-шо номеран пӧрт, тушто 80-ше ийлаште Ленинградысе рок-клуб лийын, вес вер - «Камчатка» котельный, тушто Виктор шке жапыштыже кочегарлан пашам ыштен.
Ончылеҥ-влаклан чапкӱм мемнан кундемаштыт почыт.
26 апрельыште, Марий талешке кечын, сылнымут мастар Вячеслав Абукаев-Эмгаклан Йошкар-Олаште илыме суртыштыжо, Марий талешке Мамич–Бердейлан Оршанка районышто мемориал оҥа-влакым почыт.
Тений июнь тылзыште калык артист Павел Тойдемарын шочмыжлан 110 ий, сентябрьыште Марий Элын калык артисткыже Анастасия Тихонован шочмыжлан 100 ий темеш. Тидын лӱмеш нунын шочмо кундемыштышт мемориал оҥам почаш лийме.
Марий Кундемын шочмо кечынже, 4 ноябрьыште Йыван Кырлана чапкӱм воказл площадьыште вераҥдат.
Марий Элын Курчак театрже шке усталыкше дене чуваш калыкым куандарен. Эртыше кечылаште Чебоксарыште «Карусель сказок» фестиваль почылтын. Тушто Юл кундем гыч курчак театр-влак чумыргеныт. Марий театр Самуил Маршакын «Теремок» спектакльжым ончыктен. Каласыман, шке жапыштыже Чуваш да Марий кундемысе курчак театр-влак коклаште пеҥгыде кыл лийын. Марий театрын режиссержо-влак Чуваш театрыште “Волшебная лампа Аладдина”, “Золушка”, “Руслан и Людмила” спекталь-влакым шынденыт. А Чуваш театрын сӱретчыже меменан дене «Золушка» спектакльым сылнештарен. Кызыт келшымаш у корно дене вияҥеш.
Кугече деч ончыч вӱргече - кон кече, але кечылавӱргече, южо вере тоштымарий кон кеч маныт. Тиде кече ойӧрым шуктымо дене ойыртемалтын. Марий-влак кечывал деч ончыч коҥгаш тулым пыштен, пошкудо дек пурен огытыл. Кечылавӱргечын кӱварым ӱштын огытыл, ӱпым шерын огытыл, уке гын чыве пакчам удыраш тӱҥалеш маныныт. Тиде кечын кӱсынеш оксам пуэн огылыт, тӱҥ пашам ыштен огытыл. Колыштдымо еҥын сурткайыкше пытен кертын, але кеҥеж кечын осал тӱтан, шолем шурно поянлыкым пытарен кертын манын шоненыт.
Игечымат тиде кече вашеш, да ты кечын эскереныт. Ты йӱдым кылмыкта гын - Семык марте (тений 3 июньышто лиеш) игече ок тӧрлане. Кечыла вӱргечын ояр гын, кеҥеж леве лиеш.
Марий Элыште марий йӱлам арален кодаш районласе ансамбль-влак полшат. Нунын коклаште Шернур районысо «Пӧлек» ансамбль. Тений тудлан 30 ий. «Пӧлекын» икымше вуйлатышыже Марий Эл тӱвыран сулло пашаеҥже Иван Герасимович Шамов.
Ынде 15 ий ты калык ансамбльым Зоя Андреева вуйлата.
Каласыман, «Пӧлек» ансамбльышке туныктышо, тыглай пашазе, чылаже 20 утла еҥ коштеш. «Пӧлек» ансамбыльын 30 ийжылан пӧлеклалтше пайрем Йошкар-Олаште М. Шкетан театрыште 17 апрельыште 18 шагатлан.
Марина Глушкова
Петербургышто Виктрой Цойлан чапкӱ лиеш. «Кино» группын ончылеҥжылан, колымо кечынже, монументым 2010 ий 15 августышто почаш шонат. Чапкӱм Санкт-Петербургышто кок верыште шындаш шонымаш уло. Тиде Рубинштейн урем, 13-шо номеран пӧрт, тушто 80-ше ийлаште Ленинградысе рок-клуб лийын, вес вер - «Камчатка» котельный, тушто Виктор шке жапыштыже кочегарлан пашам ыштен.
Ончылеҥ-влаклан чапкӱм мемнан кундемаштыт почыт.
26 апрельыште, Марий талешке кечын, сылнымут мастар Вячеслав Абукаев-Эмгаклан Йошкар-Олаште илыме суртыштыжо, Марий талешке Мамич–Бердейлан Оршанка районышто мемориал оҥа-влакым почыт.
Тений июнь тылзыште калык артист Павел Тойдемарын шочмыжлан 110 ий, сентябрьыште Марий Элын калык артисткыже Анастасия Тихонован шочмыжлан 100 ий темеш. Тидын лӱмеш нунын шочмо кундемыштышт мемориал оҥам почаш лийме.
Марий Кундемын шочмо кечынже, 4 ноябрьыште Йыван Кырлана чапкӱм воказл площадьыште вераҥдат.
Марий Элын Курчак театрже шке усталыкше дене чуваш калыкым куандарен. Эртыше кечылаште Чебоксарыште «Карусель сказок» фестиваль почылтын. Тушто Юл кундем гыч курчак театр-влак чумыргеныт. Марий театр Самуил Маршакын «Теремок» спектакльжым ончыктен. Каласыман, шке жапыштыже Чуваш да Марий кундемысе курчак театр-влак коклаште пеҥгыде кыл лийын. Марий театрын режиссержо-влак Чуваш театрыште “Волшебная лампа Аладдина”, “Золушка”, “Руслан и Людмила” спекталь-влакым шынденыт. А Чуваш театрын сӱретчыже меменан дене «Золушка» спектакльым сылнештарен. Кызыт келшымаш у корно дене вияҥеш.
Кугече деч ончыч вӱргече - кон кече, але кечылавӱргече, южо вере тоштымарий кон кеч маныт. Тиде кече ойӧрым шуктымо дене ойыртемалтын. Марий-влак кечывал деч ончыч коҥгаш тулым пыштен, пошкудо дек пурен огытыл. Кечылавӱргечын кӱварым ӱштын огытыл, ӱпым шерын огытыл, уке гын чыве пакчам удыраш тӱҥалеш маныныт. Тиде кечын кӱсынеш оксам пуэн огылыт, тӱҥ пашам ыштен огытыл. Колыштдымо еҥын сурткайыкше пытен кертын, але кеҥеж кечын осал тӱтан, шолем шурно поянлыкым пытарен кертын манын шоненыт.
Игечымат тиде кече вашеш, да ты кечын эскереныт. Ты йӱдым кылмыкта гын - Семык марте (тений 3 июньышто лиеш) игече ок тӧрлане. Кечыла вӱргечын ояр гын, кеҥеж леве лиеш.
Марий Элыште марий йӱлам арален кодаш районласе ансамбль-влак полшат. Нунын коклаште Шернур районысо «Пӧлек» ансамбль. Тений тудлан 30 ий. «Пӧлекын» икымше вуйлатышыже Марий Эл тӱвыран сулло пашаеҥже Иван Герасимович Шамов.
Ынде 15 ий ты калык ансамбльым Зоя Андреева вуйлата.
Каласыман, «Пӧлек» ансамбльышке туныктышо, тыглай пашазе, чылаже 20 утла еҥ коштеш. «Пӧлек» ансамбыльын 30 ийжылан пӧлеклалтше пайрем Йошкар-Олаште М. Шкетан театрыште 17 апрельыште 18 шагатлан.
Марина Глушкова