Лӱмгече календарь

Вӱдшор тылзын кумлымшо кечынже пожар ваштареш кучедалше службын кечыже палемдалтеш. Тиде кечын 1649-ше ийыште руш кугыжа Алексей Михайлович калыкын лӱдыкшыдымылык шотышто кӱштыкым пеҥгыдемден.

1934-ше ийыште Курыкмарий район Кукшылиды ялыште агроном Зоя Васильевна Младшова шочын. Шочмо районысо «Дружба» колхозышто 27 ий агрономлан да 12 ий профком вуйлатышылан ыштен. 1970-1974-ше ийлаште Совет Ушем кӱшыл погынын депутатше лийын. Ял озанлык верч тыршымыжым, суапле пашажым моткоч кӱкшын акленыт: «Знак Почёта» орден дене палемденыт.

1958-ше ийыште Пошкырт вел Калтаса кундемыште бизнесъеҥ Александр Яковлевич Гайсин шочын. Шке шочмо велыштыже тудо «Гайана» ял озанлык ушемым вуйлата. Мер пашаштат кугу пагалымашым сулен: 7-ше да 8-ше марий погын-влакын делегатше лийын.

1975-ше ийыште тӱвыра пашаеҥ Елена Петровна Афанасьева шочын. Тудо Киров кундем Пижан районышто шочын-кушкын. Шке велыштыже тӱвыра пашам шукертсек нєлтен шога: тӱвыра ушемымат вуйлата.

Таче шке шочмо кечыжым тыгак самырык журналистка Валентина Анатольевна Тойшева палемда. «Марий Эл» газетым лудшо-влаклан тиде лӱм моткоч палыме. Шернур кундемын ӱдыржӧ ты газет редакцийыште Туныктымаш йодыш дене кылдалтше лаштыкын редакторжо.

Вӱдшор тылзын кумлымшо кечынже Александр, Иван, Семен, Фёдор, Екатерина, Марианна–влакын лӱм кечышт.

Матвеев Владимир