Оҥай web-лаштык шинчамлан логале: http://www.tatar.com.ru/. Тушто татарла мутланаш тунемашлан чыла гаяк йӧн уло манам гын, йоҥылыш ом лий, шонем. Икмыняр ссылке-влак пашам огыт ыште гынат, сайт шинчам куандара. А молан марий-влакын тыгай уке?

Тӱнямбал эҥыремышвотым шергалат да шонет: могай тале мемнан марий йылмызе да шанче пашаеҥ-влак улыт! Ик симпозиумышто, вес конференцийыште шке мастарлыкыштым да тале улмыштым ончыктат. Ик элыште да вес элыште марий йылмым нӧлташлан грант-влакым налыт. Теве, мутлан, Ханты-Мансийск олашке нунак миен коштыч: http://mariuver.wordpress.com/2009/11/26/mari-uchjonyje/.

А лектышыже могай? Могай пайдам нуно марий калыклан ыштеныт? Йӧршын умылен ом керт. Молан Марий википедийым ончалмаштат уке? http://www.mhr.wikipedia.org/. Але йоҥылыш лиям? А вет тиде кӱлеш пашалан нуно да нунын студент-влакышт шуко полышым пуэн кертыт ыле.

Ну, йӧра. Шке палат - мом ыштат.

Саде аудио татар самоучительым ончальым да тыге чучо: руш йылме дене кусарымыжым марла ышташ кӱлеш. Тыге марий еҥ вашкерак татар йылмым умыла.

Икымше ужашым ыштен ончышым. Mp-3 файл-влакым колыштын ончыза. Руш йылме дене кусарымыжым марла ыштышым. Мом каласеда? Кӱлеш гын, тиде пашам умбакыже шуяш лиеш.

1.1. Икымше занятий: (1.1.mp3)
- Тиде мо?
- Тиде книга мо?
- Туге. Тиде книга.
- Уке. Тиде книга огыл.
- Тиде тетрадь мо?
- Тиде тетрадь огыл.
- Тиде буква мо? Уке. Тиде буква огыл.
- Те кӧ? Тый кӧ?
- Те профессор мо? Уке. Мый профессор омыл.
- Тудо кӧ? Тудо студент.
- Тудо студент мо? Уке. Тудо студент огыл.
- Тудо журналист мо? Уке. Тудо журналист огыл. Тудо пашазе.
- Мыят пашазе. Ме пашазе-влак.
- Те студент-влак мо? Туге. Ме студент-влак.
- Тудо кушечын? Тудо Озаҥ гыч.
- Тый Моско гыч? Уке. Мый Пенза гыч.
- Тыште книга уло мо? Туге. Тыште книга уло.
- Тыште студент-влак улыт мо? Уке. Тыште студент-влак уке улыт.
- Тыште мыняр студент уло? Тыште ик студент.
- Тыште мыняр книга? Тыште кок книга.
- Тыште книга-влак улыт мо? Туге. Тыште кум книга уло.
- Тушто кӧ улыт? Тушто пашазе-влак улыт.
- Нуно кӧ? Нуно пашазе-влак мо? Уке. Нуно пашазе-влак огытыл. Нуно студент-влак.
- Ик книга. Кок тетрадь. Кум буква.
- Тыште ныл книга уло.
- Тыште мыняр студент? Тыште ныл студент.
- Тиде мутышто мыняр буква? Тиде мутышто вич буква.
- Ныл мут. Вич пашазе.
- Тыште вич ӱстел уло.
- Тушто кок пӱкен.
- Тыште пӱкен-влак улыт мо? Уке. Тыште пӱкен-влак уке улыт.
- Тиде пӱкен мо? Уке. Тиде пӱкен огыл. Тиде ӱстел.
- Тушто книга-влак улыт мо? Уке. Тыште книга-влак уке улыт. Тыште тетрадь-влак улыт. Тыште кум тетрадь.
- Тушто ӱстел-влак улыт мо? Уке. Тыште ӱстел-влак уке улыт. Тыште пӱкен-влак улыт.
- Тушто мыняр пӱкен? Тыште вич пӱкен.
- Салам лийже.
- Поро эр.
- Поро кече. Паша кузе?
- Эр. Кече. Кас. Йӱд.
- Поро кас. Поро йӱд.
- Лӱмда кузе? Лӱмет кузе?
- Мыйын лӱмем Владимир.
- Тыйын лӱмет кузе? Мыйын лӱмем Фарид. Паша кузе? Паша сай.
- Паша сай мо? Тау. Паша сай.
- Салам лийже. Поро эр. Пашада кузе? Сай.
- Салам лийже. Тендан лӱмда кузе? Мыйын лӱмем Ильхам.
- Тыште мыняр книга уло? Тыште вич книга уло.
- А тыште тетрадь-влак улыт мо? Уке. Тыште тетрадь-влак уке улыт. Тиде тетрадь мо? Уке. Тиде тетрадь огыл. Тиде книга. Тау.
- Таза лийза, сайын кодса.
- Чеверын.
1.2. Татарла. (1.2.mp3)
1.3. Контрольный текст. (1.3.mp3)
1.4. Тӱҥ мут-влак: (1.4.mp3)
- Мо, кӧ, мыняр, кузе, тиде.
- Туге, уке, уло, книга огыл.
- Сай.
- Икыт, кокыт, кумыт, нылыт, визыт.
- Книга, тетрадь, буква, мут, числа, ӱстел, пӱкен, пашазе, эр, кече, кас, йӱд.
- Салам (сай улат), салам лийже (сай улыда), поро, тау, чеверын.

P.S. Жап лиеш гын, кокымшо занятийым ыштем...