«Воштылаш, товатат, сулык огыл»!

«Воштылаш, товатат, сулык огыл»!
Кажне ийын «Кугарня» газет «Воштылаш, товатат, сулык огыл!» мыскара конкурсым эртара. Тиде конкурс икымше гана 1994 ийыште кок кече – 1 да 2 апрельыште – М.Шкетан лӱмеш театрыште лийын. Тунам тудым «Кугарня» ден «У вий» мер ушем эртареныт. А тений Воштылчык кечын мыскараче-влакын поро йӱлаш савырныше пайремышт ынде коло кумшо гана - 1 апрельыште Йошкар-Оласе Сеҥымашын XXX идалыкше лӱмеш тӱвыра полатыште лиеш. Финал тур деч ончыч, тышке эн сай мыскараче да мыскара лудыш-влакым ойырен налаш манын, конкурсын икымше этапшым тӱрлӧ верлаште эртарат. 

11 мартыште 18 шагатлан - Советский посёлкышто Советский, У Торъял, Кужеҥэр)

20 мартыште 16 шагатлан - Звенигово район Кужмара тӱвыра пӧртыштӧ (Звенигово, Волжский районла).

25 мартыште 18 шагатлан - Шернур посёлкысо тӱвыра пӧртышӧ (Шернур,  Параньга, Мари-Турек районла).

27 мартыште 14 шагатлан - Оршанке район Тошто Крешын клубышто (Оршанке, Медведево районла да Йошкар-Ола).

31 мартыште 18 шагатат 30 минутлан - Морко посёлкысо тӱвыра портыштӧ.

Чыла сеҥыше-влак чапле пӧлек дене палемдалтыт. Конкурс дене кылдалтше чыла йодышым 8 (8362) 45-11-88 да 8 (8362) 45-43-72 телефон-влак дене рашемдаш лиеш. скачать dle 10.2 КиноСвин
Автор: viktaryshe | Дата: 23 февраля 2016 | Просмотров: 462 Коментарии: 1
#1 написал: admin (24 февраля 2016 01:28)
о?ай
      • Для того чтобы написать комментарий к этой новости, пожалуйста, нажмите сюда.


      Яндекс.Погода Яндекс.Метрика
      Архив новостей
      Популярные новости