Марий Эл Президентым Леонид Маркеловым 5-ше финно-угор калыкын тӱнямбал конгрессын оргкомитетышке пуртеныт. Тидын нерген кӱштымашым Виктор Зубков пеҥгыдемден. Тылеч посна Карел, Коми, Мордва, Перьм кундемын вуйлатышышт лийыт. Оргкомитет вуйлатышылан регион-влак вияҥме шотышто министрым Дмитрий Козакым палемдыме. А алмаштышыже Югры Виктер вуйлатыше Александр Филипенко лиеш. Тидын нерген «Росбалт» сайт увертара. Ушештарена, 28 гыч 30 июнь марте Ханты-Мансийск олаште 5-ше финно-угор калыкын тӱнямбал конгрессше эрташ тӱҥалеш. Но тиде форум марте Марий Элыште ик кугу событий лиеш. Тиде 16-19 апрельыште Марий калыкын черетан 8-ше марий погынжо. Тышке Россий Федерацийын регионжо гыч, Эстоний, СНГ кундем гыч делегат-влак толыт.

Вӱдшор тылзын 3-шо декадыште кундемна мучко автотранспопрт-влак кеҥеж жапыш куснат. Тидын нерген Йошкар-Оласе автовокзал да автостанций вуйлатыше Виктор Цапаев палемден. Тӱҥ шотышто апрель тылзын 20 кечыж гыч расписаний яллашке кудалыштше автотранспортлан вашталтеш. Лач тыгодым корныш лекше-влак 2 пачаш шукемыт. А кундем коклашке кудалыштше автотрансопрт-влакын расписанийыште кугу вашталташ огеш лий. Эртыше каныш кечылаште сад-пакчаш кудалыштше автотранспорт-влак рейсыш лектыныт. Тидыже кукшо игече шогымо дене кылдалтын.

Икымше классыш кайыше-влакын чотыш огеш вашталт. Туныктыш Виктер тергымашым эртармек, тений шыжым Йошкар-Ола мучко школышко икымше гана 1878 йоча кайымым палемден. Палемдыме цифре эше вашталташ тӱҥалеш. Тиде класс-влакыш йочам чумырымо паша август тылзе марте кайыме дене кылдалтеш. Да мыняр йоча 1 классыш кая – 1 сенябрьыште веле пале лиеш. А ӱмашсе цифрым ончаш гын, 1 классыш 1800 икшыве тунемаш каен. Но тунемме идалыкын 3-шо чырыкшылан тунемше-влакын чотышт 1889 марте вашталтын.

Тӱвыра увер.

Марий Элыште вӱдшор тылзым ончер тылзылан палемдыме. 8 апрельыште Российын сулло сӱретчыжын, Марий Республикысе сулло пашаеҥжын Зосим Лавреньтевын паша ончерже почылтеш. Да сӱретчын 75 ийым темымыжлан пӧлеклалтеш. Зосим Лавреньев – мемнан кундемыште гына огыл тыгак Россий да Финно-угор тӱняште чапланыше сӱретче-реалист, фольклорым палыше, тӱнямбалсе ончерлаште лийше сӱретче. Каласаш кӱлеш, 1993 ийыште Зосим Лавреньевын Финляндийыште ончерже эртен.

8 апрельыште Медведево тӱвыра полатыште «Сылнымут мастар» фестивальын 2-шо туржо эртен. 9 гыч 15 ияш марте икшыве-влак 11 район да 3 ола гыч погыненыт. Да 3 номаинаций дене таҥасеныт. Тыште нуно Пушкинын йомакшым, балладым, Крыловын басньыжым да моло сылнымут литератырым лудыт, тыгак муро дене келыштарен йоҥгалтареныт да изирак спектакльым руш да марий йылме дене модын ончыктеныт.

Аня Левагина

Увер йогын - 8 апрель (mp3)