4 ноябрьыште СШАште сайлымаш кече эртен. Президент пост верч Джон Маккейн ден Барак Обама кучедалыныт. Йӱклымаш почеш, ончыл верышке Барак Обама лектын. СШАн 44 президентшын инагурацийже шушаш ийын январь тылзыште лийшаш.
Кундемыште илыше калыкын тазалыкшым аралымаш – Марий Эл республик илышкыл политикын ик тӱҥ шонымашыже улеш. Йошкар-Оласе эмлымверыште компьютер томограф кабинетым почмаш – тазалыкаралтыште кугу ошкылым ыштыме манаш лиеш. Теве шукерте огыл оласе эмлымверыште мультиспираль томографым шындыме. Тидланже республикысе бюджет гыч 73 миллон теҥгем ойырымо. У технике черлан диагностикым кӱчык жапыште да чын ышташ полша. 1 ноябрьыште Леонид Маркелов у оборудованийын пашаж дене палыме лийын, эмлызе-влак дене мутланен. Да тӱткытым ялла гыч толшо-влаклан ойыраш палемден. Тидын денак кылдалтын кажне ийын медицин оборудованийым тӧрлашлан да уэмдашлан, тыгак специалист-влакым туныкталшлан верысе бюджет гыч оксам ойыраш тӱҥалыт.
Правам аралыше органлаште йӱдше-кечыже пашам ышташ ямде улыт. Элкӧргӧ паша министерствыште тыршыше-влаклан пашам ышташ кумылаҥдыме дене документым ямдылат. Ынде правам аралыше специалист взяткым огеш нал гын, 100 тӱжем теҥге марте премийым налын кертеш. Машинам шолыштшым кучымылан 3 тӱжем теҥге марте окса полыш ойыралтеш. А теве паша деч ӧрдыж жапыште милиционер осал пашам шуктышым куча гын, таумут олмеш 7 тӱжем теҥге марет оксам налын кертеш.
«Наркотик олмеш спорт» 6 ноябрьыште Йошкар-Олаште проектым аралыме дене конкурс эрташ тӱҥалеш. Тиде мероприятий кушкын толшо тукымын таза кап-кыл, таза илыш верч тыршымылан, спорт дене кылым кучымылан пӧлеклалтеш. Конкурсышто участник-влак кажне муниципал кундем гыч 7-ше-9-ше класслаште тунемше ӱдыр-рвезе-влак улыт. Конкурс эртыме годым йоча-влак команде нерген палдарышаш улыт, проект дене келшен, плакатым аралышаш да проект дене палдарышаш улыт. Тиде годым презентацийым эртарашлан электрон йӧн деч моло чыла йӧным кучылташ лиеш.
Российыште илыше калык икоян улмыжым уэш пенгыдемден. Тидыже шукерте огыл Моско олаште эртыше «Дружба народов – единство России» фестивальыште ужаш лийын. Тиде кугу мероприятийышке Российын регионлаж гыч мурызо да мер пашаеҥ-влак миеныт. Моско сценыште шке усталыкшым Светлана Яндукова ончыктен. Каласыман, Светлана ончычат Россий кӱкшытыштӧ эртыше конкурслаште да фестивальыште ончыл верлам сеҥен налын. Тиде мероприятий Россий тӱвыра министерствын да «Единая Россия» партийын полшымыже дене эртен.
Марий Элыште илыше-влак шкеныштым Голливудысо шӱдырлан шотлен кертыт. Йошкар-Оласе Сеҥымаш бульварыште у чапкӱм вераҥдыме. Ынде кумылан еҥ «Шӱдыр-влак аллейыште» чапкӱм ыштен кертеш. Тидыже ешым чумырымо, шочмо кече але кӱшыл шинчымашым пуышо тунемме тӧнежым тунем пытарыме кечым шарнымашеш кодашлан кӱштӧ палым кодаш лиеш. Тыгай кумдан палдарымаш оксам шога. Йодмашым пуашлан 7 гыч 10 тӱжем теҥгем тӱлыман.
Аня Левагина
Кундемыште илыше калыкын тазалыкшым аралымаш – Марий Эл республик илышкыл политикын ик тӱҥ шонымашыже улеш. Йошкар-Оласе эмлымверыште компьютер томограф кабинетым почмаш – тазалыкаралтыште кугу ошкылым ыштыме манаш лиеш. Теве шукерте огыл оласе эмлымверыште мультиспираль томографым шындыме. Тидланже республикысе бюджет гыч 73 миллон теҥгем ойырымо. У технике черлан диагностикым кӱчык жапыште да чын ышташ полша. 1 ноябрьыште Леонид Маркелов у оборудованийын пашаж дене палыме лийын, эмлызе-влак дене мутланен. Да тӱткытым ялла гыч толшо-влаклан ойыраш палемден. Тидын денак кылдалтын кажне ийын медицин оборудованийым тӧрлашлан да уэмдашлан, тыгак специалист-влакым туныкталшлан верысе бюджет гыч оксам ойыраш тӱҥалыт.
Правам аралыше органлаште йӱдше-кечыже пашам ышташ ямде улыт. Элкӧргӧ паша министерствыште тыршыше-влаклан пашам ышташ кумылаҥдыме дене документым ямдылат. Ынде правам аралыше специалист взяткым огеш нал гын, 100 тӱжем теҥге марте премийым налын кертеш. Машинам шолыштшым кучымылан 3 тӱжем теҥге марте окса полыш ойыралтеш. А теве паша деч ӧрдыж жапыште милиционер осал пашам шуктышым куча гын, таумут олмеш 7 тӱжем теҥге марет оксам налын кертеш.
«Наркотик олмеш спорт» 6 ноябрьыште Йошкар-Олаште проектым аралыме дене конкурс эрташ тӱҥалеш. Тиде мероприятий кушкын толшо тукымын таза кап-кыл, таза илыш верч тыршымылан, спорт дене кылым кучымылан пӧлеклалтеш. Конкурсышто участник-влак кажне муниципал кундем гыч 7-ше-9-ше класслаште тунемше ӱдыр-рвезе-влак улыт. Конкурс эртыме годым йоча-влак команде нерген палдарышаш улыт, проект дене келшен, плакатым аралышаш да проект дене палдарышаш улыт. Тиде годым презентацийым эртарашлан электрон йӧн деч моло чыла йӧным кучылташ лиеш.
Российыште илыше калык икоян улмыжым уэш пенгыдемден. Тидыже шукерте огыл Моско олаште эртыше «Дружба народов – единство России» фестивальыште ужаш лийын. Тиде кугу мероприятийышке Российын регионлаж гыч мурызо да мер пашаеҥ-влак миеныт. Моско сценыште шке усталыкшым Светлана Яндукова ончыктен. Каласыман, Светлана ончычат Россий кӱкшытыштӧ эртыше конкурслаште да фестивальыште ончыл верлам сеҥен налын. Тиде мероприятий Россий тӱвыра министерствын да «Единая Россия» партийын полшымыже дене эртен.
Марий Элыште илыше-влак шкеныштым Голливудысо шӱдырлан шотлен кертыт. Йошкар-Оласе Сеҥымаш бульварыште у чапкӱм вераҥдыме. Ынде кумылан еҥ «Шӱдыр-влак аллейыште» чапкӱм ыштен кертеш. Тидыже ешым чумырымо, шочмо кече але кӱшыл шинчымашым пуышо тунемме тӧнежым тунем пытарыме кечым шарнымашеш кодашлан кӱштӧ палым кодаш лиеш. Тыгай кумдан палдарымаш оксам шога. Йодмашым пуашлан 7 гыч 10 тӱжем теҥгем тӱлыман.
Аня Левагина
