«Марий Эл ТВ» эфирыштыже лекше «Теме ден комментарий» программе гыч:
1. Тений сентябрьыште Марий Элыште икымше энциклопедий лекшаш. Тудын тӱҥ редакторжо – Марий Элын Президентше Леонид Маркелов.
МарНИЯЛИ-н директоржо Александр Казимовын палемдымыж почеш, ты паша Марий кундемын акрет годсо жап гыч тӱҥалын тачысе кече марте чыла авалтышаш. Тудо кундемнан визитный картычкыже лийшаш. Энциклопедийыш чылаже 3 тӱжем наре статья пура. Книгам лукташлан оксам республикысе бюджет ойыра.
2. Ӱмаште марий калыкна моткоч уста, лӱмлӧ, пагалыме айдемыжым йомдарыш. Вячеслав Абукаев-Эмгакын лӱмжӧ калык чонышто курымешлан шӧртньӧ буква дене возалт кодеш. Декабрь тылзыште калык писательлан 50 ий темеш ыле. Тиде амал денак М. Шкетан лӱмеш марий кугыжаныш драме театрыште тудым шарныме кас эртен. Тушко родо-тукымжо, лӱмлӧ писатель ден поэт, Вячеслав Абукаевын йолташыже да тудым пагалыше-влак чумыргеныт. Нуно писательын илышыже да пашаже нерген ойленыт, видеосӱрет полшымо дене эртышым шарналтеныт. Айдеме уке лиймеке, чынжымак, ме тудын нерген шукырак ойлаш тӱҥалына.
3. Социолог-влакын палемдымышт почеш, 2008 ийысе мер-политик илышыште ойыртемалтше еҥ-влакын лумышт пытартыш ийлаште чот огеш вашталт. Тидыже республикынан пеҥгыдын йол ӱмбаке шогалмыж нерген ойла. Политик илышыште чапланыше лӱм-влак коклаште эн ондак Марий Элын Президентше Леонид Маркеловым, Кугыжаныш Думын депутатше Лариса Яковлевам, Кугыжаныш Погынын спикерже Юрий Минаковым палемдаш кӱлеш. А Россий кӱкшытыштӧ гын Марий кундемыште илыше-влак Элнан Президентше Дмитрий Медведевым да Российысе правительствын председательже Владимир Путиным палемдат.
4. «Путёвка в жизнь» икымше йӱкан фильмыште модшо марий актерын шочмыжлан тений 100 ий темеш. Тиде лӱмгечылан кундемыштына чот ямдылалтыт. Теве Российысе писатель-влак ушемын енже Юрий Соловьев Йыван Кырлан (Кырлян) илышыжлан да творчествыжлан пӧлеклалтше книгам ямдыла. Авторын мутшо почеш, книгашке тымарте палыдыме увер-влакым пуртымо. Марий самырык театр гын Йыван Кырлан илыш-корныж дене калыкым сцене гоч палдараш шона. Кызыт драматург Геннадий Гордеев лӱмын пьесым воза. Тӱвыра министерстват кугу пашам виктара. Лӱмгече вашеш Йошкар-Оласе кӱртньыгорно вокзал воктенысе площадьыште тудлан чапкӱым шогалтат.
5. Йошкар-Олаште «Гордей» лӱман футбол премийым кудымшо гана пуэныт. Тудым эн сай футбол команде налын. Тиде – Марий АССР-ын 1978-ше ийысе сборный командыже. А марий футболын «легендыжлан» Игорь Бычков шотлалтеш. Тудо 1977-ше ийыште СССР-ын сборныйыштыжо юниор-влак коклаште тӱнямбал чемпион лӱмым сулен налын.
6. У ийыш – у репертуар дене. Лишыл кечылаште М. Шкетан лӱмеш Марий Кугыжаныш драме театрыште тыгай спектакль-влак лийыт:
- 16 январьыште – Пётр Захаровын пьесыж почеш шындыме «Шешке-шемгишке» але «Юзо шешке» лӱман музыкальный комедий;
- 21 январьыште – Майоров-Шкетанын «Ачийжат-авийжат» драмыже;
- 23 январьыште – Уильям Шекспирын пьесыж почеш шындыме «Кожла кокласе омо» комедий.
Чыла спектакль-влак руш йылмыш кусаралтыт. Билетым театрын кассыштыже ужалат, тудын акше - 50 гыч 100 теҥге марте.
Алевтина Кузнецова
1. Тений сентябрьыште Марий Элыште икымше энциклопедий лекшаш. Тудын тӱҥ редакторжо – Марий Элын Президентше Леонид Маркелов.
МарНИЯЛИ-н директоржо Александр Казимовын палемдымыж почеш, ты паша Марий кундемын акрет годсо жап гыч тӱҥалын тачысе кече марте чыла авалтышаш. Тудо кундемнан визитный картычкыже лийшаш. Энциклопедийыш чылаже 3 тӱжем наре статья пура. Книгам лукташлан оксам республикысе бюджет ойыра.
2. Ӱмаште марий калыкна моткоч уста, лӱмлӧ, пагалыме айдемыжым йомдарыш. Вячеслав Абукаев-Эмгакын лӱмжӧ калык чонышто курымешлан шӧртньӧ буква дене возалт кодеш. Декабрь тылзыште калык писательлан 50 ий темеш ыле. Тиде амал денак М. Шкетан лӱмеш марий кугыжаныш драме театрыште тудым шарныме кас эртен. Тушко родо-тукымжо, лӱмлӧ писатель ден поэт, Вячеслав Абукаевын йолташыже да тудым пагалыше-влак чумыргеныт. Нуно писательын илышыже да пашаже нерген ойленыт, видеосӱрет полшымо дене эртышым шарналтеныт. Айдеме уке лиймеке, чынжымак, ме тудын нерген шукырак ойлаш тӱҥалына.
3. Социолог-влакын палемдымышт почеш, 2008 ийысе мер-политик илышыште ойыртемалтше еҥ-влакын лумышт пытартыш ийлаште чот огеш вашталт. Тидыже республикынан пеҥгыдын йол ӱмбаке шогалмыж нерген ойла. Политик илышыште чапланыше лӱм-влак коклаште эн ондак Марий Элын Президентше Леонид Маркеловым, Кугыжаныш Думын депутатше Лариса Яковлевам, Кугыжаныш Погынын спикерже Юрий Минаковым палемдаш кӱлеш. А Россий кӱкшытыштӧ гын Марий кундемыште илыше-влак Элнан Президентше Дмитрий Медведевым да Российысе правительствын председательже Владимир Путиным палемдат.
4. «Путёвка в жизнь» икымше йӱкан фильмыште модшо марий актерын шочмыжлан тений 100 ий темеш. Тиде лӱмгечылан кундемыштына чот ямдылалтыт. Теве Российысе писатель-влак ушемын енже Юрий Соловьев Йыван Кырлан (Кырлян) илышыжлан да творчествыжлан пӧлеклалтше книгам ямдыла. Авторын мутшо почеш, книгашке тымарте палыдыме увер-влакым пуртымо. Марий самырык театр гын Йыван Кырлан илыш-корныж дене калыкым сцене гоч палдараш шона. Кызыт драматург Геннадий Гордеев лӱмын пьесым воза. Тӱвыра министерстват кугу пашам виктара. Лӱмгече вашеш Йошкар-Оласе кӱртньыгорно вокзал воктенысе площадьыште тудлан чапкӱым шогалтат.
5. Йошкар-Олаште «Гордей» лӱман футбол премийым кудымшо гана пуэныт. Тудым эн сай футбол команде налын. Тиде – Марий АССР-ын 1978-ше ийысе сборный командыже. А марий футболын «легендыжлан» Игорь Бычков шотлалтеш. Тудо 1977-ше ийыште СССР-ын сборныйыштыжо юниор-влак коклаште тӱнямбал чемпион лӱмым сулен налын.
6. У ийыш – у репертуар дене. Лишыл кечылаште М. Шкетан лӱмеш Марий Кугыжаныш драме театрыште тыгай спектакль-влак лийыт:
- 16 январьыште – Пётр Захаровын пьесыж почеш шындыме «Шешке-шемгишке» але «Юзо шешке» лӱман музыкальный комедий;
- 21 январьыште – Майоров-Шкетанын «Ачийжат-авийжат» драмыже;
- 23 январьыште – Уильям Шекспирын пьесыж почеш шындыме «Кожла кокласе омо» комедий.
Чыла спектакль-влак руш йылмыш кусаралтыт. Билетым театрын кассыштыже ужалат, тудын акше - 50 гыч 100 теҥге марте.
Алевтина Кузнецова