Кугыжаныш знак Патриархым сайлаш бюллетень-влакым савыктен. Ушештарена, 27 гыч 29 январь марте Москваште Руш православ черкын Поместный собожо эрта, палдара «Регнум» агентстве. Каласыман, Москвасе милиций Христос Утарышын храмжым эскераш ешартыш пашаеҥ-влакым ойыра. Руш православ черкын вуйлатышыжым 27 январьыште 17 шагатат 30 минутлан ойыраш тӱҥалыт. Чылаже тиде пашашке 800 наре еҥ ушнышаш. Палемден кодена, Марий Эл гычат черке пашаеҥ-влак тиде соборыш кайшаш улыт. Тидын нерген 23 декабрьыште епархиальный погынымаште пеҥгыдемденыт. Тиде Йошкар-Оласе да Марий Элысе архиепископ Иоанн, протоирей Сергей Филонов, Богородице-Сергиево пустыньысе архимандрит Давид да Йошкар-Оласе йоча-влакын усталык пӧртын вуйлатышыже Лидия Герасимова улыт.
1 январь гыч сакырлан тӱшкаҥдыме ужалымашын акше 25 процентлан шергештын, палдарат сакырым ыштыше ушем-влак. Ак кугеммашым валюта курсын, биржылаште индекс-влакын, тыгак пагытын пошлиныже вашталтме дене кылдалтын. Тӱшкан ужалыше-влакын кызыт кодшо ийыште налме сакырышт эше уло, садланак лишыл кум тылзыште калык ак кугеммым шижшаш огыл, воза «Взгляд» изданий.
2008 ийыште Российыште илыше-влак 39 миллион наре сото телефон-влакым налыныт. Тидыже ончычсо дене таҥастарымаште 12 процентлан шукырак. Эртыше ийыште сото телефоным налаше-влак 7 миллиард наре теҥгем пытареныт. Кокла шот дене ик сото телефонын акше 205 долларышке шуын, тидыже 2007 ийыште ак деч 2 процентлан шулдырак. Эксперт-влакын шымлымашышт почеш, 2009 ийыште шергакан сото телефон-влакым шагалрак налаш тӱҥалыт. Тидыже тӱҥямбал экономик кризис дене кылдалтын, воза ПРАЙМ-ТАСС Интернет изданий.
ГИБДД пашеҥ-влак у правил почеш пашам ышташ ямдылалтыт. 27 январьыште автотранспорт шотышто Россий МВДын административ регламентше илышыш пура. Пеҥгыдемдыме йодмаш дене келшен, ынде автомобильым регион кумдыкышто кеч-могай кугыжаныш автоинспекцийын подразделенийыштыже учетышко шогалташ лиеш. А документ дубликатым автомашинам тергыде гыч посна пуат. Чыла тиде паша 3 шагат жапыште лийшаш. Кужу черет ынже лий манын, ончылгоч вашлиймашке возалтман.
Взяткым пуымылан 200 пачаш шукырак тӱлаш логалеш. Коммерческий фирмын вуйлатышыже корно правилым пудыртен. Тыге ДПС инспектор тудым шогалтен. Да инсекторын протоколым возымыжо годым тудо тӱжем теҥгем темлен. Тылеч вара милицийышке верештын. Пашам лончылымо годым шке шомакшым тудо пеҥгыдемден. Суд титканлан шотлен. Да 200 тужем штрафым тӱлаш пуэн. Увер дене республикысе прокуратур пресс-службо палдара.
Кундемыштына шоя окса дене пайдаланыше-влак лектыныт. Шоя оксалан тиде арня лектышан лийын. Банк пашен-влак тӱжем теҥгеаш 4 купюрым окса пӧрдмаш гыч кораҥденыт. МВД пресс-службын палдарымыже почеш, тений 16 шоя оксам муыныт. 15-ше тӱжемаш да иктыже шӱдӧ теҥгеаш лийын. Кодшо ийын, ушештарена, ведомство пашаеҥ-влак 106 шоя оксам муыныт. 2 криминал пашам почмо.
24 январьыште кундемыштына самырык тукымын идалыкше ошкылым ышта. Кечывал жапыште Ленин лӱмеш площадьыште официально почмаш лиеш. Тиде годым студент-влак, самырык специалист-влак тӱвыра программым ончыктат. Феерверк, тӱрлӧ модмаш-влак лийыт, кудыжым руш, марий да татар тӱвыра рӱдер-влак эртарат.
Аня Левагина
1 январь гыч сакырлан тӱшкаҥдыме ужалымашын акше 25 процентлан шергештын, палдарат сакырым ыштыше ушем-влак. Ак кугеммашым валюта курсын, биржылаште индекс-влакын, тыгак пагытын пошлиныже вашталтме дене кылдалтын. Тӱшкан ужалыше-влакын кызыт кодшо ийыште налме сакырышт эше уло, садланак лишыл кум тылзыште калык ак кугеммым шижшаш огыл, воза «Взгляд» изданий.
2008 ийыште Российыште илыше-влак 39 миллион наре сото телефон-влакым налыныт. Тидыже ончычсо дене таҥастарымаште 12 процентлан шукырак. Эртыше ийыште сото телефоным налаше-влак 7 миллиард наре теҥгем пытареныт. Кокла шот дене ик сото телефонын акше 205 долларышке шуын, тидыже 2007 ийыште ак деч 2 процентлан шулдырак. Эксперт-влакын шымлымашышт почеш, 2009 ийыште шергакан сото телефон-влакым шагалрак налаш тӱҥалыт. Тидыже тӱҥямбал экономик кризис дене кылдалтын, воза ПРАЙМ-ТАСС Интернет изданий.
ГИБДД пашеҥ-влак у правил почеш пашам ышташ ямдылалтыт. 27 январьыште автотранспорт шотышто Россий МВДын административ регламентше илышыш пура. Пеҥгыдемдыме йодмаш дене келшен, ынде автомобильым регион кумдыкышто кеч-могай кугыжаныш автоинспекцийын подразделенийыштыже учетышко шогалташ лиеш. А документ дубликатым автомашинам тергыде гыч посна пуат. Чыла тиде паша 3 шагат жапыште лийшаш. Кужу черет ынже лий манын, ончылгоч вашлиймашке возалтман.
Взяткым пуымылан 200 пачаш шукырак тӱлаш логалеш. Коммерческий фирмын вуйлатышыже корно правилым пудыртен. Тыге ДПС инспектор тудым шогалтен. Да инсекторын протоколым возымыжо годым тудо тӱжем теҥгем темлен. Тылеч вара милицийышке верештын. Пашам лончылымо годым шке шомакшым тудо пеҥгыдемден. Суд титканлан шотлен. Да 200 тужем штрафым тӱлаш пуэн. Увер дене республикысе прокуратур пресс-службо палдара.
Кундемыштына шоя окса дене пайдаланыше-влак лектыныт. Шоя оксалан тиде арня лектышан лийын. Банк пашен-влак тӱжем теҥгеаш 4 купюрым окса пӧрдмаш гыч кораҥденыт. МВД пресс-службын палдарымыже почеш, тений 16 шоя оксам муыныт. 15-ше тӱжемаш да иктыже шӱдӧ теҥгеаш лийын. Кодшо ийын, ушештарена, ведомство пашаеҥ-влак 106 шоя оксам муыныт. 2 криминал пашам почмо.
24 январьыште кундемыштына самырык тукымын идалыкше ошкылым ышта. Кечывал жапыште Ленин лӱмеш площадьыште официально почмаш лиеш. Тиде годым студент-влак, самырык специалист-влак тӱвыра программым ончыктат. Феерверк, тӱрлӧ модмаш-влак лийыт, кудыжым руш, марий да татар тӱвыра рӱдер-влак эртарат.
Аня Левагина