Элын Президентше Дмитрий Медведев жап деч ончыч российысе ныл губернаторын пашажым чарен. Орлов областьын губернаторжо Егор Строев, Псков областьын губернаторжо Михаил Кузнецов, Воронеж облстьын вуйлатышыже Владимир Кулаков, тыгак Ненец автономий областьын губернаторжо Валерий Потепенко вашталтышым вучат.
Президент Воронеж областьым вуйлаташ кандидат семын ял-озанлык министр Алексей Гордеевым, Орлов областьым вуйлаташ Александр Козловым, Псков кундемлан Андрей Турчакым, Ненец автономийлан Игорь Федоровым темлен. Ныл кандидатшат «Единый Россий» парийын членже улыт.
Алексей Гордеевым губернаторлан пеҥгыдемдат гын, тудын олмеш Совет Федерацийыште ял-озанлык политика комитетын вуйлатышыже Сергей Лисовский шогалын кертеш.
В гепатит дене шагалракын черланат. Вакцинацийым эртарымылан кӧра, Российыште тиде чер 2 пачаш, республикыште 3 пачаш шагалемын. Эртыше ийыште йоча-влак коклаште тиде чер вашлиялтын огыл. Кодшо ийын республикыште «Тазалык» национал проект кышкарыште 71 тӱжем еҥ В гепатит ваштареш прививкым ыштеныт. Тений план почеш 29 тӱжем еҥ иммунизацийым эртышаш, палдара Роспотребнадзорын республикысе виктемже.
Эртыше арняште республикын православий тӱняштыже у шӱлыш палдырнен. Йошкар-Олаште чоҥалтше православий рӱдерыште икымше ыресым шогалтеныт. Ушештарена, рӱдерым грек монасырь сынаным ыштат: ныл могыр гыч кӧргысӧ кудывече, тудыжым кок пачашан полат-влак петырат. Иктыштыже Шнуй Капка лиеш. У ыресым протоиерей Сергей Поглазов освятитлен, тудым вераҥдаш Угарман гыч пашазе-влак толыныт.
А теве Юрино поселкын храмжылан у чаҥым конденыт. Йошкар-Оласе Епархийын пресс-службыжын палдарымыже почеш, чаҥым Каменск-Уральскыште ыштеныт. Тудын пашажлан оксам Юрино поселкышто шочшо, кызыт Москваште илыше Василий Зотин тӱлен. Юринысо черкыште чылаже 9 чаҥ уло, эн кугужо 300 килограмм нелытан. У луымшо чаҥ 164 килограмман. Тудыжым Кугече вашеш вераҥдаш шонат.
15 февральыште Марий Элын рӱдӧ олаштыже «Российын ечыгорныжо» таҥасымаш эртен. Тений спорт пайремыш 20 тӱжем ечызе погынен. Таҥасыше-влак кум кужытым куржыныт, тиде 5 километр, 10 километр да VIP куржмаш, тудын кужытшо 2014 метр. Сеҥыше-влакым тӱрлӧ радамыште ойыреныт. «Эн самырык куржшо» 5 ияш Ростислав Маланов, эн илалше куржшо-влак 1929 ийыште шочшо Яков Николаевич Заболцких да 1924 ийыште Феодосия Ивановна Евсеева. 5 километрым куржмаште ӱдырамаш-влак коклаште Екатерина Сергеева, пӧръеҥ-влак коклаште Станивлав Егоров икмыше куржын толыныт. 10 километрыште Ольга Сергеева да Евгений Анисов ончылно лийыныт. VIP кужытышто политик да кугыжаныш ончылъеҥ, администраций вуйлатыше-влак куржыныт. Спорт министерствын палдарымыже почеш, ечым кап-кыл, спорт да туризм министр Владимир Чумаков чиен.
Арня мучаште кужу каныш лиеш. Тидыже Элым аралыше-влакын кечыштым палемдыме дене кылдалтын. Кечышот дене 23 февраль шочмо, садланак каныш кече 21 февральыште тӱҥалын, 23 февраль марте шуйна. Кӧлан шуматкече паша кече гын, нуно ончысо семынак тиде кечын пашам ыштат да кок кечым канат. Лишыл жапыште эше ик каныш вашка – тиде 8 март. Тудыжо рушарнян толеш, садланак каныш кече-влак кум кече шуйнат, 7 гыч 9 март марте.
Автомашинам налаш шонеда гын, ГИБДД деч пайдале ой-каҥаш. Шияилге тӱсан автомашинам ида нал. Машинам шолышто-влак утларакше тыгай тӱсан, мемнан элыште лукмо автомашинам наҥгаят. Эртыше ийыште республикыште 279 автотранспортым шолыштыныт, тидыже кодшо ийысе деч 70-лан шукырак. Каласыман, тышечын 74 осалчыкшым веле рашемденыт, палдара элкӧрго паша министерствын пресс-службыжо. Машинам шолып наҥгайыше-влакат шукын улыт, эртыше ийыште 445 еҥ автомашина деч посна кодын.
Пытартыш жапыште наркотикым ужалыше, шаркалыше-влак шукемыныт. Марий Эл республикысе наркоконтроль службын республикысе виктемжын палдарымыже почеш, февраль тылзыште гына ты аяр дене кылдалтше 4 криминал пашам почыныт. Медведево районыштат ты осал паша-влак ятыр вашлиялтыт. Наркотикым шолып шаркалыше-влак самырык улыт. Тыгак ӱдырамаш-шамычат тиде осалчыкыш ушнат. Мутлан, Медведево прокуратурын палдарымыже почеш, кодшо тылзе мучаште 28 ияш ӱдырамаш 80 грамм мак олымым Йошкар-Олаште ужалаш шонен, но тудым правам аралыше-влак кученыт. Ынде тудо 2 ий эрык деч посна лиеш. 8 февральыште Медведев районысо Новый поселкышто Абхазий гыч толшо пӧръеҥым кученыт. Тудын пелен 14 тичмашат 5 луаш грамм героин лийын. Тиде кугыт 150 еҥым аҥыртараш сита.
Эртыше каныш кечылаште «Саскавий» Марий ӱдырамаш-влакын ушемышт погынен. Туштыжо Марий ӱдырамаш ушем идалык пашажым иктешлен. «Саскавий» ушемын вуйлатышын алмаштышыже Зоя Глушкован палдарымыже почеш, тиде ушем 2008 ий март тылзыште шочын. Тудым тӱвыра, печать да калык-влакын пашашт шотышто министрын алмаштышыже Галина Ширяева вуйлата.
Историйыште икымше гана Москваште Боливийын Президентше Эво Моралес да Российын Президентше Дмитрий Медведев вашлийыын, палдара ИТАР-ТАСС. Боливийын да Российын президентше ваш полшымо экономик йодыш-влакым каҥашат. Боливий да Совет Ушем дене дипломатий вашкыл 1945 ийыште тӱҥалын, 1969 ийыште кок рӱдолаште посольствым почыныт. Боливий Россий дене сарзе –техник сферыште кылым умбакыжат вияҥдаш шона. Палашда, Боливийын президентше 1959 ий 26 октябрьыште индеецын ешыштыже шочын. Тудым 2005 ий декабрь тылзыште Президентлан сайленыт. Боливий Америкын Кечывалвелныже верланан. Тушто 9, 8 миллион еҥ ила, утларакше индеец-влак. Официал рӱдолаже Сукре, а элын виктерже Ла-Пас олаште пашам ышта. Тиде элыште илыше-влак испан да индий йылме дене мутланат.
Пургыж тылзе мучаш марте республикыште леве игече лиеш, жапын-жапын лум лийын кертеш. Тиде арня тӱҥалтыште мемнан кундемыште антициклон озаланымылан кӧра, кече утларак шыраташ тӱҥалеш, лум лийшаш огыл, кечывлым республикына мучко 2 гыч 4 градус марте, йӱдым 5-7 градус лиеш. Арня кыдалне лум лийын кертеш, 23-24 февральыштат луман игечым возена. Ончылгоч пален налме почеш, март тӱҥалтыште леве луман игече аралалтеш.
Марина Глушкова
Президент Воронеж областьым вуйлаташ кандидат семын ял-озанлык министр Алексей Гордеевым, Орлов областьым вуйлаташ Александр Козловым, Псков кундемлан Андрей Турчакым, Ненец автономийлан Игорь Федоровым темлен. Ныл кандидатшат «Единый Россий» парийын членже улыт.
Алексей Гордеевым губернаторлан пеҥгыдемдат гын, тудын олмеш Совет Федерацийыште ял-озанлык политика комитетын вуйлатышыже Сергей Лисовский шогалын кертеш.
В гепатит дене шагалракын черланат. Вакцинацийым эртарымылан кӧра, Российыште тиде чер 2 пачаш, республикыште 3 пачаш шагалемын. Эртыше ийыште йоча-влак коклаште тиде чер вашлиялтын огыл. Кодшо ийын республикыште «Тазалык» национал проект кышкарыште 71 тӱжем еҥ В гепатит ваштареш прививкым ыштеныт. Тений план почеш 29 тӱжем еҥ иммунизацийым эртышаш, палдара Роспотребнадзорын республикысе виктемже.
Эртыше арняште республикын православий тӱняштыже у шӱлыш палдырнен. Йошкар-Олаште чоҥалтше православий рӱдерыште икымше ыресым шогалтеныт. Ушештарена, рӱдерым грек монасырь сынаным ыштат: ныл могыр гыч кӧргысӧ кудывече, тудыжым кок пачашан полат-влак петырат. Иктыштыже Шнуй Капка лиеш. У ыресым протоиерей Сергей Поглазов освятитлен, тудым вераҥдаш Угарман гыч пашазе-влак толыныт.
А теве Юрино поселкын храмжылан у чаҥым конденыт. Йошкар-Оласе Епархийын пресс-службыжын палдарымыже почеш, чаҥым Каменск-Уральскыште ыштеныт. Тудын пашажлан оксам Юрино поселкышто шочшо, кызыт Москваште илыше Василий Зотин тӱлен. Юринысо черкыште чылаже 9 чаҥ уло, эн кугужо 300 килограмм нелытан. У луымшо чаҥ 164 килограмман. Тудыжым Кугече вашеш вераҥдаш шонат.
15 февральыште Марий Элын рӱдӧ олаштыже «Российын ечыгорныжо» таҥасымаш эртен. Тений спорт пайремыш 20 тӱжем ечызе погынен. Таҥасыше-влак кум кужытым куржыныт, тиде 5 километр, 10 километр да VIP куржмаш, тудын кужытшо 2014 метр. Сеҥыше-влакым тӱрлӧ радамыште ойыреныт. «Эн самырык куржшо» 5 ияш Ростислав Маланов, эн илалше куржшо-влак 1929 ийыште шочшо Яков Николаевич Заболцких да 1924 ийыште Феодосия Ивановна Евсеева. 5 километрым куржмаште ӱдырамаш-влак коклаште Екатерина Сергеева, пӧръеҥ-влак коклаште Станивлав Егоров икмыше куржын толыныт. 10 километрыште Ольга Сергеева да Евгений Анисов ончылно лийыныт. VIP кужытышто политик да кугыжаныш ончылъеҥ, администраций вуйлатыше-влак куржыныт. Спорт министерствын палдарымыже почеш, ечым кап-кыл, спорт да туризм министр Владимир Чумаков чиен.
Арня мучаште кужу каныш лиеш. Тидыже Элым аралыше-влакын кечыштым палемдыме дене кылдалтын. Кечышот дене 23 февраль шочмо, садланак каныш кече 21 февральыште тӱҥалын, 23 февраль марте шуйна. Кӧлан шуматкече паша кече гын, нуно ончысо семынак тиде кечын пашам ыштат да кок кечым канат. Лишыл жапыште эше ик каныш вашка – тиде 8 март. Тудыжо рушарнян толеш, садланак каныш кече-влак кум кече шуйнат, 7 гыч 9 март марте.
Автомашинам налаш шонеда гын, ГИБДД деч пайдале ой-каҥаш. Шияилге тӱсан автомашинам ида нал. Машинам шолышто-влак утларакше тыгай тӱсан, мемнан элыште лукмо автомашинам наҥгаят. Эртыше ийыште республикыште 279 автотранспортым шолыштыныт, тидыже кодшо ийысе деч 70-лан шукырак. Каласыман, тышечын 74 осалчыкшым веле рашемденыт, палдара элкӧрго паша министерствын пресс-службыжо. Машинам шолып наҥгайыше-влакат шукын улыт, эртыше ийыште 445 еҥ автомашина деч посна кодын.
Пытартыш жапыште наркотикым ужалыше, шаркалыше-влак шукемыныт. Марий Эл республикысе наркоконтроль службын республикысе виктемжын палдарымыже почеш, февраль тылзыште гына ты аяр дене кылдалтше 4 криминал пашам почыныт. Медведево районыштат ты осал паша-влак ятыр вашлиялтыт. Наркотикым шолып шаркалыше-влак самырык улыт. Тыгак ӱдырамаш-шамычат тиде осалчыкыш ушнат. Мутлан, Медведево прокуратурын палдарымыже почеш, кодшо тылзе мучаште 28 ияш ӱдырамаш 80 грамм мак олымым Йошкар-Олаште ужалаш шонен, но тудым правам аралыше-влак кученыт. Ынде тудо 2 ий эрык деч посна лиеш. 8 февральыште Медведев районысо Новый поселкышто Абхазий гыч толшо пӧръеҥым кученыт. Тудын пелен 14 тичмашат 5 луаш грамм героин лийын. Тиде кугыт 150 еҥым аҥыртараш сита.
Эртыше каныш кечылаште «Саскавий» Марий ӱдырамаш-влакын ушемышт погынен. Туштыжо Марий ӱдырамаш ушем идалык пашажым иктешлен. «Саскавий» ушемын вуйлатышын алмаштышыже Зоя Глушкован палдарымыже почеш, тиде ушем 2008 ий март тылзыште шочын. Тудым тӱвыра, печать да калык-влакын пашашт шотышто министрын алмаштышыже Галина Ширяева вуйлата.
Историйыште икымше гана Москваште Боливийын Президентше Эво Моралес да Российын Президентше Дмитрий Медведев вашлийыын, палдара ИТАР-ТАСС. Боливийын да Российын президентше ваш полшымо экономик йодыш-влакым каҥашат. Боливий да Совет Ушем дене дипломатий вашкыл 1945 ийыште тӱҥалын, 1969 ийыште кок рӱдолаште посольствым почыныт. Боливий Россий дене сарзе –техник сферыште кылым умбакыжат вияҥдаш шона. Палашда, Боливийын президентше 1959 ий 26 октябрьыште индеецын ешыштыже шочын. Тудым 2005 ий декабрь тылзыште Президентлан сайленыт. Боливий Америкын Кечывалвелныже верланан. Тушто 9, 8 миллион еҥ ила, утларакше индеец-влак. Официал рӱдолаже Сукре, а элын виктерже Ла-Пас олаште пашам ышта. Тиде элыште илыше-влак испан да индий йылме дене мутланат.
Пургыж тылзе мучаш марте республикыште леве игече лиеш, жапын-жапын лум лийын кертеш. Тиде арня тӱҥалтыште мемнан кундемыште антициклон озаланымылан кӧра, кече утларак шыраташ тӱҥалеш, лум лийшаш огыл, кечывлым республикына мучко 2 гыч 4 градус марте, йӱдым 5-7 градус лиеш. Арня кыдалне лум лийын кертеш, 23-24 февральыштат луман игечым возена. Ончылгоч пален налме почеш, март тӱҥалтыште леве луман игече аралалтеш.
Марина Глушкова