Ялозанлык пашаеҥ-влак шошо агалан ямдылалтыт. Тений Марий Элыште ӱдышаш кумдык 191 тӱжем гектар. Пареҥгым 2 тӱжем гектарыште, пакчасаскам 3 тӱжем утла гектарыште шындаш палемдыме. 15 апрель марте чыла техник пасуш лекташ ямде лийшаш. Шошо агам да шурно лектышым поген налме пашалан, вольыкым ончымо комплекслан, фермер да шке озанлыкым кучышо-влаклан полышым банк-влак пуаш ямде улыт. Мутлан, кодшо ийыште Курык Марий кундемыште кредит йӧн полшымо дене озанлык да фермер-шамыч 160 тӱрлӧ у техникым налыныт. Мари-Турек да Параньга районышто фермер-влак озанлыкышым вияҥден колташ кредитым кумылынак налыт.
Корно лӱдыкшыдымылыкым эскерымаште Республик Виктерын полышыжо утларак шижалташ тӱҥалеш. Марий Элыште автошкол-влаклан тӱткылыкым ойырат. Лач тидын нерген республик кӱкшытыштӧ профессионал туныктыш учреждений вуйлатыше да машинам виктараш туныктышо организаций-влак дене семинарыште каҥашеныт. Мемнан кундемыште экзаменым кучаш материал-техник базым кумдаҥдаш да саемдаш шонат. Тыгак машинам аварий деч посна, сайын вӱдышӧ-влакым ямдылыше школ-влакым радамлаш палемдыме.
Марий Элыште машинам вӱдаш 41 автошкол туныкта. Кодшо ийын автомашинам вӱдаш правам 13 тӱжем еҥ налын. Тидын годым пелыж наре курсант-влак экзаменым икымше гана кучен кертын огытыл.
Автомашинам шолыштмаш. Тиде осалчык криминал илышыште эреак ончыл верыште. Пытартыш жапыште автомашина да автомашина гыч тӱрлӧ арверым самырык еҥ-влак шолыштыт. Теве Курык Марий кундемыште март тылзыште прокуратур пашаеҥ-влак 15 ияш кок самырык рвезе шотышто криминал пашам лончыленыт. Ийготыш шудымо-влак 9 автомашинам шолыштыныт. Курык Марий прокуратурын уверже дене, ты кундемыште эртыше ийыште 20 еҥым тыгай осалчыкым ыштымылан мутым кучаш шогалтеныт.
Самырык еҥ да автомашина дене кылдалтше вес криминал паша нерген каласаш гын, тудо Медведево районышто лийын. Ийготыш шудымо самырык рвезе автомашина гыч арверым шолыштын. Тидын дене пырля вес осалчыкымат ыштен. Суд тудым петырыме сынан лӱмын тунемме верыш колташ иктешлымашым луктын, палдара Медведево прокуратур.
Элкӧргӧ паша министерствын сайтше воза: «Транспортым шолыштмаш ончычсо семынак кушкеш, тений ий тӱҥалтыш гыч 30 утла осал паша ышталтын. Эн шуко автомомашинам Йошкар-Олаште да Медведево районышто шолыштыныт».
8 апрельыште Йошкар-Олаште Галина Уланова лӱмеш эртаралтше балет сымыктышын 7-ше тӱнямбал фестивальже уна-влакым вашлиеш. Ты пайрем «Кармина Бурана» да «Сон в летнюю ночь» балет-влак дене почылтеш. Арня жапыште кумылан-влак «Спартак», «Дон Кихот», «Лебединое озеро» спектакль-влакым ужыт. «Лебединое озерышто» Российын калык артисткыже Надежда Грачева да Росиийын сулло артистше, Марий Элын калык артистше Константин Иванов калыкым куандарат. «Спартак» да «Дон Кихот» балетыште тӱнямбал конкурсын лауреатше Денис Медведевын, Ольга Челпанован, Константин Коротковын дебютышт лийшаш. А йоча-влаклан шындыме «Белоснежка да семь гномов» балетыште Озаҥ оласе хореографий училищын студентше-влак пашаш ушнат.
Марина Глушкова
Корно лӱдыкшыдымылыкым эскерымаште Республик Виктерын полышыжо утларак шижалташ тӱҥалеш. Марий Элыште автошкол-влаклан тӱткылыкым ойырат. Лач тидын нерген республик кӱкшытыштӧ профессионал туныктыш учреждений вуйлатыше да машинам виктараш туныктышо организаций-влак дене семинарыште каҥашеныт. Мемнан кундемыште экзаменым кучаш материал-техник базым кумдаҥдаш да саемдаш шонат. Тыгак машинам аварий деч посна, сайын вӱдышӧ-влакым ямдылыше школ-влакым радамлаш палемдыме.
Марий Элыште машинам вӱдаш 41 автошкол туныкта. Кодшо ийын автомашинам вӱдаш правам 13 тӱжем еҥ налын. Тидын годым пелыж наре курсант-влак экзаменым икымше гана кучен кертын огытыл.
Автомашинам шолыштмаш. Тиде осалчык криминал илышыште эреак ончыл верыште. Пытартыш жапыште автомашина да автомашина гыч тӱрлӧ арверым самырык еҥ-влак шолыштыт. Теве Курык Марий кундемыште март тылзыште прокуратур пашаеҥ-влак 15 ияш кок самырык рвезе шотышто криминал пашам лончыленыт. Ийготыш шудымо-влак 9 автомашинам шолыштыныт. Курык Марий прокуратурын уверже дене, ты кундемыште эртыше ийыште 20 еҥым тыгай осалчыкым ыштымылан мутым кучаш шогалтеныт.
Самырык еҥ да автомашина дене кылдалтше вес криминал паша нерген каласаш гын, тудо Медведево районышто лийын. Ийготыш шудымо самырык рвезе автомашина гыч арверым шолыштын. Тидын дене пырля вес осалчыкымат ыштен. Суд тудым петырыме сынан лӱмын тунемме верыш колташ иктешлымашым луктын, палдара Медведево прокуратур.
Элкӧргӧ паша министерствын сайтше воза: «Транспортым шолыштмаш ончычсо семынак кушкеш, тений ий тӱҥалтыш гыч 30 утла осал паша ышталтын. Эн шуко автомомашинам Йошкар-Олаште да Медведево районышто шолыштыныт».
8 апрельыште Йошкар-Олаште Галина Уланова лӱмеш эртаралтше балет сымыктышын 7-ше тӱнямбал фестивальже уна-влакым вашлиеш. Ты пайрем «Кармина Бурана» да «Сон в летнюю ночь» балет-влак дене почылтеш. Арня жапыште кумылан-влак «Спартак», «Дон Кихот», «Лебединое озеро» спектакль-влакым ужыт. «Лебединое озерышто» Российын калык артисткыже Надежда Грачева да Росиийын сулло артистше, Марий Элын калык артистше Константин Иванов калыкым куандарат. «Спартак» да «Дон Кихот» балетыште тӱнямбал конкурсын лауреатше Денис Медведевын, Ольга Челпанован, Константин Коротковын дебютышт лийшаш. А йоча-влаклан шындыме «Белоснежка да семь гномов» балетыште Озаҥ оласе хореографий училищын студентше-влак пашаш ушнат.
Марина Глушкова
