Шошо толын, лум шула,
Шошо толын, лум шула,
Тӱрволак гыч вӱд йога.
Шошо кече пеш йорга,
Калык чоным модыкта.
Йыван Кырлан шошо кече почеламутшым шукын шарнат шонем. Оза улмыжым Шошо 14 март деч вара шижеш, маныныт ожно марий-влак. 14 март - тиде Одоким кече.
Одоким кечын - 14 мартыште - шошо, кеҥеж могай лиеш манын, эскерат. Тиде кече деч вара шошо толеш, да лум утларак шула.
Калыкыште ойлат: «Овдоки кандаш ужгам кудашеш». 14 март дене кенеж могай лийшашым палат: тиде кечын леве мардеж пуа гын, кеҥеж ночко лиеш, йӱштӧ мардеж пуа – юалге кеҥежлан.
Одоким кечын, 14 мартыште, чывылан йӱаш ситыше вӱд уло - шошо вашке толеш, да Кугечылан лум каен пыта.
Одоким кече шуо гын, ӱмбалге - йымалге шулыкта.
Одоким кечын корно гоч лум ӱштеш гын, шошо кужу лийшаш.
Одоким кече шып гын, кеҥеж мардеждыме лиеш. Одоким кечын пӧртӧнчыл мучаште чывылан ситыше вӱд лиеш – йӱран кеҥежлан.
Шем корак Одоким кече деч ончыч толын гын, кеҥеж вӱдыжгӧ лиеш, а лум эр кая. Одоком кечын ояр гын, кеҥеж мотор лийшаш, кияр, курезе поҥго, уржа лектыш лыҥ лиеш. Одоким кечылан чывылан ситыше вӱд уло гын, Йогрин кечын - 6 майыште шорыклан кочкаш ситыше шудо лиеш.
14 март деч вара шошоагалан ямдылалташ тӱҥалыныт. Пӧръеҥ-влак тырмам да шошоаглан кӱлешан моло арверым олмыктат да тӧрлат.
Одоким кечын йуштӧ гын, вольыкым ешарен кок арня пушкаш логалеш, шошо эр огеш тол, кужун шуйна, манын эскереныт кугезына-влак.
14 мартыште лумым погеныт, тудо шнуй виян манын ӱшаненыт, шулышо лумым еҥ шинча деч кораҥден, петырыме атыште аралыман улмаш. Тиде кечын погымо да шулшо лум вӱд ик ий мучко тӱрлӧ чер годым полша, маныт.
Марий-влак 14 мартлан Одоким кечылан комбо, лудо, чыве пыжашым опташ тӱҥалыныт. Комбо пыжашым – уржа олым гыч оптыман, лудылан - шож олым кӱлеш, чывылан - шӱльӧ олымым пыштыман.
Икманаш, Одоким кече - тиде шошо, кеҥеж могай лиеш игечым эскерыме пагыт, тыгак шошо агалан, шошо пашалан ямдылалтме жап.
Марина Глушкова
Шошо толын, лум шула,
Тӱрволак гыч вӱд йога.
Шошо кече пеш йорга,
Калык чоным модыкта.
Йыван Кырлан шошо кече почеламутшым шукын шарнат шонем. Оза улмыжым Шошо 14 март деч вара шижеш, маныныт ожно марий-влак. 14 март - тиде Одоким кече.
Одоким кечын - 14 мартыште - шошо, кеҥеж могай лиеш манын, эскерат. Тиде кече деч вара шошо толеш, да лум утларак шула.
Калыкыште ойлат: «Овдоки кандаш ужгам кудашеш». 14 март дене кенеж могай лийшашым палат: тиде кечын леве мардеж пуа гын, кеҥеж ночко лиеш, йӱштӧ мардеж пуа – юалге кеҥежлан.
Одоким кечын, 14 мартыште, чывылан йӱаш ситыше вӱд уло - шошо вашке толеш, да Кугечылан лум каен пыта.
Одоким кече шуо гын, ӱмбалге - йымалге шулыкта.
Одоким кечын корно гоч лум ӱштеш гын, шошо кужу лийшаш.
Одоким кече шып гын, кеҥеж мардеждыме лиеш. Одоким кечын пӧртӧнчыл мучаште чывылан ситыше вӱд лиеш – йӱран кеҥежлан.
Шем корак Одоким кече деч ончыч толын гын, кеҥеж вӱдыжгӧ лиеш, а лум эр кая. Одоком кечын ояр гын, кеҥеж мотор лийшаш, кияр, курезе поҥго, уржа лектыш лыҥ лиеш. Одоким кечылан чывылан ситыше вӱд уло гын, Йогрин кечын - 6 майыште шорыклан кочкаш ситыше шудо лиеш.
14 март деч вара шошоагалан ямдылалташ тӱҥалыныт. Пӧръеҥ-влак тырмам да шошоаглан кӱлешан моло арверым олмыктат да тӧрлат.
Одоким кечын йуштӧ гын, вольыкым ешарен кок арня пушкаш логалеш, шошо эр огеш тол, кужун шуйна, манын эскереныт кугезына-влак.
14 мартыште лумым погеныт, тудо шнуй виян манын ӱшаненыт, шулышо лумым еҥ шинча деч кораҥден, петырыме атыште аралыман улмаш. Тиде кечын погымо да шулшо лум вӱд ик ий мучко тӱрлӧ чер годым полша, маныт.
Марий-влак 14 мартлан Одоким кечылан комбо, лудо, чыве пыжашым опташ тӱҥалыныт. Комбо пыжашым – уржа олым гыч оптыман, лудылан - шож олым кӱлеш, чывылан - шӱльӧ олымым пыштыман.
Икманаш, Одоким кече - тиде шошо, кеҥеж могай лиеш игечым эскерыме пагыт, тыгак шошо агалан, шошо пашалан ямдылалтме жап.
Марина Глушкова
