«Шӧр йӧндартышым ончык колтыман». 2008-2012 ий жаплан кугыжаныш шӧрым пуышо вольыкым ашнаш программым пеҥгыдемден. Тиде программе дене келшен, 1 октябрь марте вольыкым ашнашлан келыштарыме комплексым, ферма-влакым чоҥен, уэмден шуктышаш, у обрудований-влакым келыштаршаш улыт. Тыгак вольык вуйымат шукемдаш шонат. А теве 1 сентябрь марте шӧр продукцийлан техник регламентым шуктымо шотышто кышкарым ыштен шуктыман. Кугу тӱткытым кукшо шӧрым кучылтмылан ойраш палемдат. Тидын годым ӧрдыж да Российын кундем гыч кондымым чараш маныт. Лишыл жапыште «Йоча-влаклан – шӧр» программым илышыш пуртат. Тидын дене келшен, йоча садыш да школлаш коштшо йоча-влаклан ик кечылан 200 грамм шӧрым пуаш палемдалтеш. Тидын нерген Виктер сайт увертара.
«Тошто пачерым улан алмаштат». Кугыжаныш программе дене келшен, шӱкшӧ да аварий лийме лӱдыкшӧ пӧртла гыч 83 ешым вес вере илаш кусараш тӱҥалыт. Тиде Йошкар-Ола, Волжск, Козьмодемьянск олаште да тыгак Звенигово, Килемар, Медведево да Шернур районлаште илыше-влак лийыт. Ты программым шукташлан федерал, республикысе да муниципал бюджет гыч 78 миллион теҥге ойыралтеш. Ушештарена, илымвер фонд программе 2012 ий марте шуйнаш тӱҥалеш. Да ты пашам шуктымын акше 5 миллиард теҥгеш шуэш.
«Парымыш пурет – каныш деч посна кодат!» Кеҥеж канышышыш кайыше-влакым суд пристав пашаеҥ-влак чот тергат. Нуно канаш кайыше еҥын парымже уло але уке ончат. Тачысе кечылан тыгай спискышке 80 еҥ логалын. Кеҥеж пагыт мучашлан тиде чот иземшаш. Тыге палемдат специалист-влак. Мутлан, тиде кечылаште Йошкар-Олаште илыше канаш кайымыж годым суд пристав 158 тӱжем парымжым палемден. Тидлан кӧра тудо йот элыш каяшлан паспортым налын кертын огыл. Коммандировкым варалан кодаш огыл манын, тудо эрлашыжымак оксам тӱлен. Ушештарена, тӧртык (закон) дене келшен, гражданин-влак элым коден каен огыт керт. Кунам нунылан суд шуктышо сӧрыкым (исполнительный обязательствым) пеҥгыдемден.
«А теве канаш йӧратыше-влак Турцийыш вашкат». Эртыше ийым иктешлен, Маристат 15 организацийын пашажым шымлен. Тыге кодшо ийын туризм шотышто пашам шуктен шогышо фирме-влак 8 056 еҥ дене пашам ыштымым палемденыт. Тидыже 28,6 миллион теҥгеш шуын. Шокшо кундемыш канаш кайыше-влак утларакшым Турцийым ойрен налыныт. Тидыже 2279 еҥ лийын. А эн шагал еҥ Марий Элын да Чувашийын тазалыкым пеҥгыдемдыме тӧнежлаште каненыт. 10% наре канаш йӧратыше-влак Краснодар кундемым ойреныт. Тыгак палемдыман, Москваш да Питерыш экскурсий дене каяш кумылан –влакат лийыныт.
Спорт увер. Футбол гына огыл, регбиат кундемыште озалана. Йошкар-Олаште регби дене Россий кӱкшытысӧ ӱчашымаш-влак эртат. Тушто 14 ий марте ӱдыр-рвезе-влак шке вийыштым тергат. Семеновко стадионышто чылажге 10 команде таҥасат. Тиде Сибирь, Таганрог, Краснодар кундем гыч команде-влак улыт. Каласаш кӱлеш, 14 ийгот марте регби дене команде мемнан кундемыште уке. Ӱдыр-рвезе-влак кугу ийгот-влак командышке ушнат. Палемдена, таҥасымаш-влак 5 июль марте эртат.
Аня Левагина
Увер йогын (mp3)
«Тошто пачерым улан алмаштат». Кугыжаныш программе дене келшен, шӱкшӧ да аварий лийме лӱдыкшӧ пӧртла гыч 83 ешым вес вере илаш кусараш тӱҥалыт. Тиде Йошкар-Ола, Волжск, Козьмодемьянск олаште да тыгак Звенигово, Килемар, Медведево да Шернур районлаште илыше-влак лийыт. Ты программым шукташлан федерал, республикысе да муниципал бюджет гыч 78 миллион теҥге ойыралтеш. Ушештарена, илымвер фонд программе 2012 ий марте шуйнаш тӱҥалеш. Да ты пашам шуктымын акше 5 миллиард теҥгеш шуэш.
«Парымыш пурет – каныш деч посна кодат!» Кеҥеж канышышыш кайыше-влакым суд пристав пашаеҥ-влак чот тергат. Нуно канаш кайыше еҥын парымже уло але уке ончат. Тачысе кечылан тыгай спискышке 80 еҥ логалын. Кеҥеж пагыт мучашлан тиде чот иземшаш. Тыге палемдат специалист-влак. Мутлан, тиде кечылаште Йошкар-Олаште илыше канаш кайымыж годым суд пристав 158 тӱжем парымжым палемден. Тидлан кӧра тудо йот элыш каяшлан паспортым налын кертын огыл. Коммандировкым варалан кодаш огыл манын, тудо эрлашыжымак оксам тӱлен. Ушештарена, тӧртык (закон) дене келшен, гражданин-влак элым коден каен огыт керт. Кунам нунылан суд шуктышо сӧрыкым (исполнительный обязательствым) пеҥгыдемден.
«А теве канаш йӧратыше-влак Турцийыш вашкат». Эртыше ийым иктешлен, Маристат 15 организацийын пашажым шымлен. Тыге кодшо ийын туризм шотышто пашам шуктен шогышо фирме-влак 8 056 еҥ дене пашам ыштымым палемденыт. Тидыже 28,6 миллион теҥгеш шуын. Шокшо кундемыш канаш кайыше-влак утларакшым Турцийым ойрен налыныт. Тидыже 2279 еҥ лийын. А эн шагал еҥ Марий Элын да Чувашийын тазалыкым пеҥгыдемдыме тӧнежлаште каненыт. 10% наре канаш йӧратыше-влак Краснодар кундемым ойреныт. Тыгак палемдыман, Москваш да Питерыш экскурсий дене каяш кумылан –влакат лийыныт.
Спорт увер. Футбол гына огыл, регбиат кундемыште озалана. Йошкар-Олаште регби дене Россий кӱкшытысӧ ӱчашымаш-влак эртат. Тушто 14 ий марте ӱдыр-рвезе-влак шке вийыштым тергат. Семеновко стадионышто чылажге 10 команде таҥасат. Тиде Сибирь, Таганрог, Краснодар кундем гыч команде-влак улыт. Каласаш кӱлеш, 14 ийгот марте регби дене команде мемнан кундемыште уке. Ӱдыр-рвезе-влак кугу ийгот-влак командышке ушнат. Палемдена, таҥасымаш-влак 5 июль марте эртат.
Аня Левагина
Увер йогын (mp3)
