Санкт-Петербургышто конфлигтолог-влакын тӱнямбал конгерссышт эртен. Ты кугу форумын пашашкыже Марий Эл гыч Марий кугыжаныш университетын доцентше, политик шанче кандидат Евгений Суслов ушнен. Евгений Валерианович ынде икмыняр ий Марий кугыжаныш университетыште журналистика кафедрыште туныкта. Конфликтолог-влакын тӱнямбал конгрессыште шанче докладым лудыныт, дискуссийыш ушненыт, мастарлык-класслаште вашлийыныт.

Марий Эл республикысе самырык-влакын шке полатышт лиеш. Йошкар-Олаште Калинин лӱмеш тӱвыра пӧрт Самырык-влакын республикысе полатышкышт савырна. У полат у ий гыч пашам ышташ тӱҥалшаш, кызыт тушто ачалат да олмыктат. Ты тӧнеж Йошкар-Олан 9-ше микрорайоныштыжо верлана, молан манаш гын, лач ты микрорайонышто шуко тунемме тӧнеж-влак улыт. Шонымаш почеш, самырык-влакын полатышкышт самырык мер ушем-влак куснат. Калинин лӱмеш тӱвыра полатывште кызыт пашам ыштыше кружок, секций-влак ончыкыжымат ыштыме сомылыштым шуяш тӱҥалыт.

Марина Глушкова