«Марий вургем пайрем унала ӱжеш». Тений Марий Элыште калык вургем фестиваль финн-угор да моло кундемла гыч толшо-влакым угыч вашлиеш. Тӱрлӧ регионла гыч калык вургемым ыштыше-влак шке тӱвыра ойыртемышт дене палдараш тӱҥалыт. Вургем-влак ожнысо жапысе да кызытсе илышлан келыштарыме улыт. Тений тыгай пайрем Йошкар-Олаште 29 гыч 31 октябрь марте эрта. Тудым республикысе калык усталык рӱдер виктарен шога. Фестивальыш ушнаш йодмашым регион-влак ончылгоч колтеныт. Фестиваль кышкарыште калык вургемым ончыктат, тыгак калык вургемым чиктыме курчак-влакын ончерже лиеш.

Йошкар-Олаште студент театр-влакын фестиваль-лабораторийышт пашам ышташ тӱҥалеш. Пермь, Киров область, Курган, Елабуга, Чуваший, Казахстан республикысе Кокшетау ола гыч гыч ончыкылык артист-влак шке усталыкышт дене палдарат. Актёр лияш ямдылалтше студент-влак кондымо спектальыштым ончыктат, профессионал-влак нунын пашаштым аклат, устылыкым шуарымаште ойым пуат. Студент театр-влакын фестивальже Марий Элыште 18 октябрь марте эрта.

Марина Глушкова