Лӱмгече календарь
Ага тылзын коло визымше кечынже школ йӱла почеш «Пытартыш йыҥгыр» пайрем эртаралтеш.
Тыгак таче - филолог-влакын кечыже.
А 16 ий ончыч тиде кечынак Финляндийыште марий тӱвыра пайрем эртаралтын.
63 ий ончыч Мари-Турек районышто администраций вуйлатыше Юрий Петрович Шуваев шочын. Паша корныжо Башкортостан республикысе тӱрлӧ комитетлаште шуйнен, а 1985-ше ийыште тудо Совет Ушем чодыра озанлык кугыжаныш инспекцийын вуйлатышыжлан шогалын. 5 ий Россий Федерацийысе пӱртӱс поянлык министерствыште департамент вуйлатыше лийын. Санкт-Петербургысо чодыра техник академийын почётан докторжо. Россий Федерацийын сулло чодыразыже.
1936-шо ийыште Куженер район Руш-Шой селаште спортсменка Антонина Михайловна Левшевич шочын. Пел курым ончыч тудо спорт гимнастик школышто тренерлан пашам ышташ тӱҥалын. Умбакыже Йошкар-Оласе художественный гимнастик школышко куснен: ты тунемме тӧнежым Антонина Михайловна 17 ий вуйлатен шоген. Марий республикысе капкультурын сулло пашаеҥже.
1956-шо ийыште туныктыш пашаеҥ Валентина Кузьминична Антоничева шочын. Марий Элыш 36 ий ончыч толын, тыштак кӱшыл шинчымашым налын да Советский посёлкысо руш йылме да литературым туныктышылан пашам ышташ тӱҥалын. Ий гыч ийыш шуаралтын да эреак у кӱкшытыш шуаш тыршен. 1999-ше ийыште «Идалыкын эн сай туныктышыжо» конкурсышто сеҥышыш лектын. 2004-ше ийыште районысо погынын вуйлатышыжлан шогалын. Россий Федерацийын сулло туныктышыжо.
Тачысе календарьна лӱмгечылан моткоч поян. 60 ияш пайремжым кумдан палыме литератор да писатель Владимир Григорьевич Смирнов-Семэҥер палемда. Шкеже У-Торъял район Куршенер ялыште шочын-кушкын. 1977-ше ий гыч Кугу-Лумарий кыдалаш школышто туныктышылан пашам ышташ тӱҥалын. 10 ий вуйлатышыжат лийын. Владимир Григорьевич уста возкалыше семынат чапланен: книгамат луктын. Россий Федерацийысе писатель-влак ушемын чолга еҥже.
Туныктыш пашаеҥ да спортсмен Валерий Николаевич Волков таче 50 ийым тема. 1991-ше ий гыч тудо Верх-Ушнур кыдалаш школышто капкультур предметым вӱдаш тӱҥалын. Тӱрлӧ марафонлаште да спорт таҥасымаште Валерий Николаевич сай лектышым ончыктен шога. Ятыр чап танык дене палемдалтын.
Шке шочмо кечыжым кундемнан пагалыме да ик эн йӧратыме бард мурызо Геннадий Владимирович Григорьев палемда. Параньга район Усолан талантан мурызыжо ынде коло ий утла калыкым шке мастарлыкше дене куандарен шога. Кӧ ок пале тудын йоҥгалтарыме «Ош куэ», «Усола», «Пустаҥше пӧрт» да моло мурыжо-влакым? Кок гана самодеятельный автор-влак кокласе фестивальын лауреатше лӱмым налын.
Ага тылзын коло визымше кечынже Герман, Денис–влакын лӱм кечышт.
Матвеев Владимир
Ага тылзын коло визымше кечынже школ йӱла почеш «Пытартыш йыҥгыр» пайрем эртаралтеш.
Тыгак таче - филолог-влакын кечыже.
А 16 ий ончыч тиде кечынак Финляндийыште марий тӱвыра пайрем эртаралтын.
63 ий ончыч Мари-Турек районышто администраций вуйлатыше Юрий Петрович Шуваев шочын. Паша корныжо Башкортостан республикысе тӱрлӧ комитетлаште шуйнен, а 1985-ше ийыште тудо Совет Ушем чодыра озанлык кугыжаныш инспекцийын вуйлатышыжлан шогалын. 5 ий Россий Федерацийысе пӱртӱс поянлык министерствыште департамент вуйлатыше лийын. Санкт-Петербургысо чодыра техник академийын почётан докторжо. Россий Федерацийын сулло чодыразыже.
1936-шо ийыште Куженер район Руш-Шой селаште спортсменка Антонина Михайловна Левшевич шочын. Пел курым ончыч тудо спорт гимнастик школышто тренерлан пашам ышташ тӱҥалын. Умбакыже Йошкар-Оласе художественный гимнастик школышко куснен: ты тунемме тӧнежым Антонина Михайловна 17 ий вуйлатен шоген. Марий республикысе капкультурын сулло пашаеҥже.
1956-шо ийыште туныктыш пашаеҥ Валентина Кузьминична Антоничева шочын. Марий Элыш 36 ий ончыч толын, тыштак кӱшыл шинчымашым налын да Советский посёлкысо руш йылме да литературым туныктышылан пашам ышташ тӱҥалын. Ий гыч ийыш шуаралтын да эреак у кӱкшытыш шуаш тыршен. 1999-ше ийыште «Идалыкын эн сай туныктышыжо» конкурсышто сеҥышыш лектын. 2004-ше ийыште районысо погынын вуйлатышыжлан шогалын. Россий Федерацийын сулло туныктышыжо.
Тачысе календарьна лӱмгечылан моткоч поян. 60 ияш пайремжым кумдан палыме литератор да писатель Владимир Григорьевич Смирнов-Семэҥер палемда. Шкеже У-Торъял район Куршенер ялыште шочын-кушкын. 1977-ше ий гыч Кугу-Лумарий кыдалаш школышто туныктышылан пашам ышташ тӱҥалын. 10 ий вуйлатышыжат лийын. Владимир Григорьевич уста возкалыше семынат чапланен: книгамат луктын. Россий Федерацийысе писатель-влак ушемын чолга еҥже.
Туныктыш пашаеҥ да спортсмен Валерий Николаевич Волков таче 50 ийым тема. 1991-ше ий гыч тудо Верх-Ушнур кыдалаш школышто капкультур предметым вӱдаш тӱҥалын. Тӱрлӧ марафонлаште да спорт таҥасымаште Валерий Николаевич сай лектышым ончыктен шога. Ятыр чап танык дене палемдалтын.
Шке шочмо кечыжым кундемнан пагалыме да ик эн йӧратыме бард мурызо Геннадий Владимирович Григорьев палемда. Параньга район Усолан талантан мурызыжо ынде коло ий утла калыкым шке мастарлыкше дене куандарен шога. Кӧ ок пале тудын йоҥгалтарыме «Ош куэ», «Усола», «Пустаҥше пӧрт» да моло мурыжо-влакым? Кок гана самодеятельный автор-влак кокласе фестивальын лауреатше лӱмым налын.
Ага тылзын коло визымше кечынже Герман, Денис–влакын лӱм кечышт.
Матвеев Владимир
