Лӱмгече календарь
Тиде сылне кечын Российысе амалкалымаш (предпринимательство) кече палемдалтеш.
Ага тылзын коло кудымшо кечынже тӱҥ онаеҥ Александр Иванович Таныгин шочын. Шкеже У-Торъял район Танаксола гыч. Тудын паша корныжо тӱҥ шотышто тӱрлӧ ял озанлык-влак дене кылдалтын: ончыч «Заречный» совхозышто, вара «У куат» ушемыште тыршен. 2000-ше ий гыч Александр Иванович марий погынын чолга еҥже. Марий Эл кугыжаныш чап танык дене палемдалтын.
80 ий ончыч шанче-чодыразе Павел Максимович Верхунов шочын. Чуваший кундемын шочшыжо мемнан республикыштат кугу чапым сулен. 1975-ше ий гыч тудо Марий кугыжаныш технологий университетысе чодыра таксаций да чодыра паша кафедрын пашаеҥже лийын: профессор марте кушкын. 400 наре шанче пашан, 40 моногорафийын авторжо. Марий республикысе шанчын сулло пашаеҥже, Россий Федерацийын сулло чодыразыже.
Кугыжаныш пашаеҥ да чоҥышо Юрий Александрович Минаковлан 63 ий. Йошкар-Олашке 1968-ше ийыште толын да тӱрлӧ чоҥышо ушемлаште пашам ышташ тӱҥалын. 9 ий ончыч тудо Марий Эл кугыжаныш погынын вуйлатышыжлан шогалын. Тыгодымак шанче пашаштат шуаралтын: ятыр книган авторжо, Инвестиций да экономик чоҥымаш академийын академикше. Россий Федерацийын сулло чоҥышыжо.
Вес кугыжаныш пашаеҥ да шанче-экономист Анатолий Анатольевич Смирновлан – 53 ий. Ончыч комсомол, вара партий пашаште шуаралтын. 1994-1996-шо ийлаште кугыжаныш погынын вуйлатышыже лийын. Шанче корныжо Марий кугыжаныш университетыште шуйнен, тыште уста экономист профессор марте кушкын. Тӱҥ шотышто тудын пашаже-влак ял озанлык экономик йодышым рашемдаш полшат: тиде йодыш дене 100 наре шанче пашам, 5 монографийым возен.
1956-шо ийыште тӱвыра пашаеҥ Татьяна Васильевна Верина шочын. Кӱшыл шинчымашым Озаҥ оласе кугыжаныш тӱвыра инситутышто налын. Ынде 30 ий утла тудо Чавайн лӱмеш книга пӧртыштӧ пашам ышта. Кызыт гын вуйлатыше сомылым шуктен шога.
Тыгак таче шке шочмо кечыжым кумдан палыме журналист, драматург да поэт Александр Алексеевич Петров палемда. Шкеже Куженер район Мари-Олма ял гыч. Ынде нылымше ий уста журналист «Кугарня» газетын тӱҥ редакторжылан пашам ышта. Но тидын деч посна Александр Алексеевич поэт да драматург семын чапланен: «Кронуш», «Пупкин ӱдырым налеш» да моло пьесынат авторжо.
Ага тылзын коло кудымшо кечынже Александр, Василий, Георгий, Егор, Юрий, Ефим, Ирина, Макар, Сергей, Эдуард–влакын лӱм кечышт.
Матвеев Владимир
Тиде сылне кечын Российысе амалкалымаш (предпринимательство) кече палемдалтеш.
Ага тылзын коло кудымшо кечынже тӱҥ онаеҥ Александр Иванович Таныгин шочын. Шкеже У-Торъял район Танаксола гыч. Тудын паша корныжо тӱҥ шотышто тӱрлӧ ял озанлык-влак дене кылдалтын: ончыч «Заречный» совхозышто, вара «У куат» ушемыште тыршен. 2000-ше ий гыч Александр Иванович марий погынын чолга еҥже. Марий Эл кугыжаныш чап танык дене палемдалтын.
80 ий ончыч шанче-чодыразе Павел Максимович Верхунов шочын. Чуваший кундемын шочшыжо мемнан республикыштат кугу чапым сулен. 1975-ше ий гыч тудо Марий кугыжаныш технологий университетысе чодыра таксаций да чодыра паша кафедрын пашаеҥже лийын: профессор марте кушкын. 400 наре шанче пашан, 40 моногорафийын авторжо. Марий республикысе шанчын сулло пашаеҥже, Россий Федерацийын сулло чодыразыже.
Кугыжаныш пашаеҥ да чоҥышо Юрий Александрович Минаковлан 63 ий. Йошкар-Олашке 1968-ше ийыште толын да тӱрлӧ чоҥышо ушемлаште пашам ышташ тӱҥалын. 9 ий ончыч тудо Марий Эл кугыжаныш погынын вуйлатышыжлан шогалын. Тыгодымак шанче пашаштат шуаралтын: ятыр книган авторжо, Инвестиций да экономик чоҥымаш академийын академикше. Россий Федерацийын сулло чоҥышыжо.
Вес кугыжаныш пашаеҥ да шанче-экономист Анатолий Анатольевич Смирновлан – 53 ий. Ончыч комсомол, вара партий пашаште шуаралтын. 1994-1996-шо ийлаште кугыжаныш погынын вуйлатышыже лийын. Шанче корныжо Марий кугыжаныш университетыште шуйнен, тыште уста экономист профессор марте кушкын. Тӱҥ шотышто тудын пашаже-влак ял озанлык экономик йодышым рашемдаш полшат: тиде йодыш дене 100 наре шанче пашам, 5 монографийым возен.
1956-шо ийыште тӱвыра пашаеҥ Татьяна Васильевна Верина шочын. Кӱшыл шинчымашым Озаҥ оласе кугыжаныш тӱвыра инситутышто налын. Ынде 30 ий утла тудо Чавайн лӱмеш книга пӧртыштӧ пашам ышта. Кызыт гын вуйлатыше сомылым шуктен шога.
Тыгак таче шке шочмо кечыжым кумдан палыме журналист, драматург да поэт Александр Алексеевич Петров палемда. Шкеже Куженер район Мари-Олма ял гыч. Ынде нылымше ий уста журналист «Кугарня» газетын тӱҥ редакторжылан пашам ышта. Но тидын деч посна Александр Алексеевич поэт да драматург семын чапланен: «Кронуш», «Пупкин ӱдырым налеш» да моло пьесынат авторжо.
Ага тылзын коло кудымшо кечынже Александр, Василий, Георгий, Егор, Юрий, Ефим, Ирина, Макар, Сергей, Эдуард–влакын лӱм кечышт.
Матвеев Владимир
