Марий Элысе Куженер район гыч «Мурсескем» ансамбль тӱнямбал фестивльыш Татарстан республикыш миен коштын. Тений Озаҥ воктене икымше гана этнос-влакын «Крутушка» тӱнямбал фестивальже лийын. Тӱрлӧ кундемла гыч толшо калык ансамбль-влак шке калыкын тӱвыра ойыртемже дене палдареныт. Ты фестивальш Удмуртий, Мордовий, Москва, Санкт-Петербург, эсогыл Белоруссий да Германий гыч толшо-влак лийыныт. «Мурсесем» ансамбльын вуйлатышыже Евгений Каменщиков палдарымыже дене каласаш лиеш, ты усталык турлӧ кундемла гыч толшо-влаклан марий муро, куштымашым ончыктен, тыгак марий шӱвырым ончыктен намиен. Ты семӱзгарже регионла гыч толшо-влаклан моткоч чот оҥай лийын.

Марина Глушкова

Каменщиков ойла (mp3)