Российын президентше дене Германийын канцлерже Ангела Меркель Екатерибург олаште вашлийыныт. Медведев Германий гычын толшо амалкалче–влаклан Российысе предприятий-влакым уэмдаш, у технологийым ешараш темлен. Германий дене Россий коклаште пеҥгыде кыл. Ушештарена, тений Калуга олаште «Фольксваген» автомобильым погаш тӱҥалыныт. Ангела Меркель энергетике могырым кылым пеҥгыдемдаш шонымо нерген ойлен.
Кукшо игече нимат огеш чамане. Пырче лектыш могай лиеш, тидым раш каласашат огеш лий. Тыгак шыл-шӧр дечын посна кодына манме лӱдмашат уло. Мланде озанлык пашаеҥ-влак шолдыра тӱкан вольыкым шӱшкылаш кӱлмо нерген ойлат. Ятыр озанлыкыште вольык чотым иземдат. Эше вес нелылыкыш логалыныт кугу озанлыкым кучышо-влак, лектыш уло але уке, кредитым садиктак посна процент дене тӱлышаш улыт. Дмитрий Медведевын палемдымыже почеш, шылым вес эллашке колтымым шагалемдаш кӱлеш.
Марий Элын ВУЗшо–влак абитуриент–шамычлан полшаш ямде улыт. Тыге Марий Кугыжаныш техник университет тений 2008 ийысе ак дене тунемаш пураш темла. МарГТУ-н пресс-службыжын палдарымыж почеш, тиде йӧн дене кум факультет гына пайдаланен кертеш: управлений да права, экономик да социал технологий. Палемдыман, тиде ийын «политехыш» очно 1900 еҥ пурышаш, нунын гыч 60 процентше яра тунемаш тӱҥалеш.
Марий Элын эпидемиологшо–влак туберкулёз чер дене ситуацийым нелылан шотлат. Икымше пелийыште 275 еҥ икымше гана эмлымверыш туберкулёз дене полышым йодын миен. Утларакше Йошкар-Олаште улыт – 76 еҥ. Медведево районышто тиде шучко чер дене 27 еҥ эмганен. Волжскышто гын 26 еҥ. Туге гынат, пел ий жапыште бацилляр форма дене эмганымаш 20 процентлан иземын. Тидын нерген республикысе Роспотребнадзор виктемын пресс–службыштыжо увертарат.
Мемнан кундемыште пудий–влак кызытат огыт пыте. Шокшо, кукшо игече шога гынат, эмлымверыш пудий пурлмо дене полышым йодын толыт. Теве кодшо арняште гына 14 еҥ эмлымверыш миен. Нунын гыч кандашыжлан боррелиоз диагнозым шындыме. Пудий энцифалит ден 4 еҥ черланен.
Шушаш шуматкечын, 17 июльышто олан рӱдӧ паркыштыже у аттракционын презентацийже эрташ тӱҥалеш. Тудым Первоуральск олаште руш калык йомак негызеш ямдыленыт. Тиде пайрем кечын тыгак каныше–влакым модмаш, мыскара– влак вучат. Тӱвыра да каныме рӱдӧ паркын пашаеҥже–влакын ойлымышт почеш, у аттракцион дене шым ий марте йоча–влак коштын кертыт. Тыгак палемдыман, тудын пашажым Ростехнадзорын специалистше–влак тергеныт.
Ирина Якаева
Кукшо игече нимат огеш чамане. Пырче лектыш могай лиеш, тидым раш каласашат огеш лий. Тыгак шыл-шӧр дечын посна кодына манме лӱдмашат уло. Мланде озанлык пашаеҥ-влак шолдыра тӱкан вольыкым шӱшкылаш кӱлмо нерген ойлат. Ятыр озанлыкыште вольык чотым иземдат. Эше вес нелылыкыш логалыныт кугу озанлыкым кучышо-влак, лектыш уло але уке, кредитым садиктак посна процент дене тӱлышаш улыт. Дмитрий Медведевын палемдымыже почеш, шылым вес эллашке колтымым шагалемдаш кӱлеш.
Марий Элын ВУЗшо–влак абитуриент–шамычлан полшаш ямде улыт. Тыге Марий Кугыжаныш техник университет тений 2008 ийысе ак дене тунемаш пураш темла. МарГТУ-н пресс-службыжын палдарымыж почеш, тиде йӧн дене кум факультет гына пайдаланен кертеш: управлений да права, экономик да социал технологий. Палемдыман, тиде ийын «политехыш» очно 1900 еҥ пурышаш, нунын гыч 60 процентше яра тунемаш тӱҥалеш.
Марий Элын эпидемиологшо–влак туберкулёз чер дене ситуацийым нелылан шотлат. Икымше пелийыште 275 еҥ икымше гана эмлымверыш туберкулёз дене полышым йодын миен. Утларакше Йошкар-Олаште улыт – 76 еҥ. Медведево районышто тиде шучко чер дене 27 еҥ эмганен. Волжскышто гын 26 еҥ. Туге гынат, пел ий жапыште бацилляр форма дене эмганымаш 20 процентлан иземын. Тидын нерген республикысе Роспотребнадзор виктемын пресс–службыштыжо увертарат.
Мемнан кундемыште пудий–влак кызытат огыт пыте. Шокшо, кукшо игече шога гынат, эмлымверыш пудий пурлмо дене полышым йодын толыт. Теве кодшо арняште гына 14 еҥ эмлымверыш миен. Нунын гыч кандашыжлан боррелиоз диагнозым шындыме. Пудий энцифалит ден 4 еҥ черланен.
Шушаш шуматкечын, 17 июльышто олан рӱдӧ паркыштыже у аттракционын презентацийже эрташ тӱҥалеш. Тудым Первоуральск олаште руш калык йомак негызеш ямдыленыт. Тиде пайрем кечын тыгак каныше–влакым модмаш, мыскара– влак вучат. Тӱвыра да каныме рӱдӧ паркын пашаеҥже–влакын ойлымышт почеш, у аттракцион дене шым ий марте йоча–влак коштын кертыт. Тыгак палемдыман, тудын пашажым Ростехнадзорын специалистше–влак тергеныт.
Ирина Якаева
