США президент Барак Обама Российышке апрель тылзыште толын кертеш. А март тылзыште кугыжаныш секретарьым Хиллари Клинтоным вучат, воза «Коммерсант» газет. Апрель тылзыште у президент паша вашлиймашыж дене моло эллашке лекташ палемден. 2 апрельыште Лондонышко кайышаш. Тушто саммит эрташ тӱҥалеш. Тылеч вара Дмитрий Медведев дене Моско олашке толшаш. Тидыже ончыклан Америка дене ваш кылым ышташлан сай йӧн лийшаш. Но але вашлиймашлан кышкарым ямдылен пеҥгыдемдыме огыл.
Россий теҥгызысе полигоным ышташ шона. Виктер пеленсе сарзе пашам лончылышо комиссий сарзе самолет-влаклан полигоным ямдылыме нерген пунчалым луктын. Тидын нерген вице-премьер Сергей Иванов каласен. Элыште тиде икымше полигон лиеш. Тудо кушто верланаш тӱҥалеш але раш пале огыл, но ончылгоч шонымо почеш, тиде Шем теҥыз лийын кертеш. Тидын нерген РИА «Новости» паладара.
Ӱшан телефон кризисым илен лекташ полша. Психологий полышым пуышо рӱдерышке шуко йыҥгыр-влак амалкалче, студент да пенсионер-влак деч пурат. Амалкалче-влак тӱҥ шотышто ӱдырамаш–влак улыт. Нуно илышыш вашталтыш толмо дене стрессышке логалын кертыт, умылтарат рӱдер пашаеҥ-влак. А студент-влак утларакшым тунемме шотышто йодышым тарватат. Сулен налме канышыште улшо-влакым ак вашталт толмо тургыжландара. Пытратыш жапыште нужнарак илыше еш-влак деч йыҥгыр-влак шагалемыныт. Кечеш кокла шот дене 18-20 йыҥгыр рӱдерышке пура.
Шекланыза! Кундемысе кевытлаште аяргыше кол лийын кертеш. Нужголышто нематодым – шукшым муыныт. Тудо айдемын кап-кылышкыже логалмек, пагарым, шолым, вергым эмгатен кертеш, тыгак шӱлышым петырен кертеш. Аяргыше кол Российышке гына огыл, тыгак Марий Элышкат логалын кертын. Элышке ты колым 2 тонн утла конденыт. Ведомствын специалистше-влак ужалыме рӱдер вуйлатыше-влак деке йодмаш дене лектыныт. Ты сатум кевытышке намиеныт гын, ужалымаш гыч кораҥдаш.
Модышат аяргыше лийын кертеш. Модышыште шинчал, неле вещества мыняр улмылан Роспотребнадзор виктем тергымашым эртарен. Тыге 45 тӱрлӧ модышым шымлаш налын. Палемдыме, икмынярже аяргыше улыт. Мутлан, Италийыште ыштыме овартыме шарыште токсичный улмо индекс СанПиН йодмаш дене ок келше. Тиде продукцийым ужалымаш гыч кораҥдашлан амалкалче-влаклан серышым колтымо. Моло модыш-влаклан лаборатор шымлымашым эртат.
Самырык тукым дене пашам ышташлан бюджет гыч 400 тенгем ойырымо. Ынде кумшо ий самырык-влак дене социал проектым шуктымо дене конкурсым эртарат. Кодшо ийын проектым темлыше 6-жо сеҥыше лийыныт. Нуно 260 тӱжем теҥгем налыныт. Тидыже «Шинча ончылнак вашталтына. Йошкар-Ола 20-21-ше курымышто» куснылшо ончерым почаш полшен. Самырык-влакын рок-группыжо Хельсинки олаште финн-угор фествальыште мастарлыкыштым ончыктеныт. Тыгак патриот шӱлышым шуарыме, тазалыкым вияҥдыме, правам аралыме дене проект-влакым темленыт. Тачысе кечылан 4 проектым лончылымашке пуэныт. Кумылан-влак 1 февраль марте темлыме проект шотышто йодмашым колтен шуктышаш улыт.
Ростехнадзор виктем пашаеҥ-влакат спартакиадышке таҥасаш тӱҥалыт. Тиде экологий да технологий могырым шымлыше специалист-влак лийыт. Каласыман, ведомство-влак кокласе спорт таҥасымаш икымше гана огыл эртаралтеш. Тидыже кундемыште пашаеҥ-влакым спорт деке кумылаҥдыме дене кылдалтеш. Спартакиада 24-25 январьыште эрташ тӱҥалеш. Программе почеш, ӱстел теннис, волейбол, мини-футбол, шахмат, иймаш да ий ӱмбалне эстафета лиеш. Сеҥыше-влакым чап танык да кубок дене палемдаш тӱҥалыт.
Аня Левагина
Россий теҥгызысе полигоным ышташ шона. Виктер пеленсе сарзе пашам лончылышо комиссий сарзе самолет-влаклан полигоным ямдылыме нерген пунчалым луктын. Тидын нерген вице-премьер Сергей Иванов каласен. Элыште тиде икымше полигон лиеш. Тудо кушто верланаш тӱҥалеш але раш пале огыл, но ончылгоч шонымо почеш, тиде Шем теҥыз лийын кертеш. Тидын нерген РИА «Новости» паладара.
Ӱшан телефон кризисым илен лекташ полша. Психологий полышым пуышо рӱдерышке шуко йыҥгыр-влак амалкалче, студент да пенсионер-влак деч пурат. Амалкалче-влак тӱҥ шотышто ӱдырамаш–влак улыт. Нуно илышыш вашталтыш толмо дене стрессышке логалын кертыт, умылтарат рӱдер пашаеҥ-влак. А студент-влак утларакшым тунемме шотышто йодышым тарватат. Сулен налме канышыште улшо-влакым ак вашталт толмо тургыжландара. Пытратыш жапыште нужнарак илыше еш-влак деч йыҥгыр-влак шагалемыныт. Кечеш кокла шот дене 18-20 йыҥгыр рӱдерышке пура.
Шекланыза! Кундемысе кевытлаште аяргыше кол лийын кертеш. Нужголышто нематодым – шукшым муыныт. Тудо айдемын кап-кылышкыже логалмек, пагарым, шолым, вергым эмгатен кертеш, тыгак шӱлышым петырен кертеш. Аяргыше кол Российышке гына огыл, тыгак Марий Элышкат логалын кертын. Элышке ты колым 2 тонн утла конденыт. Ведомствын специалистше-влак ужалыме рӱдер вуйлатыше-влак деке йодмаш дене лектыныт. Ты сатум кевытышке намиеныт гын, ужалымаш гыч кораҥдаш.
Модышат аяргыше лийын кертеш. Модышыште шинчал, неле вещества мыняр улмылан Роспотребнадзор виктем тергымашым эртарен. Тыге 45 тӱрлӧ модышым шымлаш налын. Палемдыме, икмынярже аяргыше улыт. Мутлан, Италийыште ыштыме овартыме шарыште токсичный улмо индекс СанПиН йодмаш дене ок келше. Тиде продукцийым ужалымаш гыч кораҥдашлан амалкалче-влаклан серышым колтымо. Моло модыш-влаклан лаборатор шымлымашым эртат.
Самырык тукым дене пашам ышташлан бюджет гыч 400 тенгем ойырымо. Ынде кумшо ий самырык-влак дене социал проектым шуктымо дене конкурсым эртарат. Кодшо ийын проектым темлыше 6-жо сеҥыше лийыныт. Нуно 260 тӱжем теҥгем налыныт. Тидыже «Шинча ончылнак вашталтына. Йошкар-Ола 20-21-ше курымышто» куснылшо ончерым почаш полшен. Самырык-влакын рок-группыжо Хельсинки олаште финн-угор фествальыште мастарлыкыштым ончыктеныт. Тыгак патриот шӱлышым шуарыме, тазалыкым вияҥдыме, правам аралыме дене проект-влакым темленыт. Тачысе кечылан 4 проектым лончылымашке пуэныт. Кумылан-влак 1 февраль марте темлыме проект шотышто йодмашым колтен шуктышаш улыт.
Ростехнадзор виктем пашаеҥ-влакат спартакиадышке таҥасаш тӱҥалыт. Тиде экологий да технологий могырым шымлыше специалист-влак лийыт. Каласыман, ведомство-влак кокласе спорт таҥасымаш икымше гана огыл эртаралтеш. Тидыже кундемыште пашаеҥ-влакым спорт деке кумылаҥдыме дене кылдалтеш. Спартакиада 24-25 январьыште эрташ тӱҥалеш. Программе почеш, ӱстел теннис, волейбол, мини-футбол, шахмат, иймаш да ий ӱмбалне эстафета лиеш. Сеҥыше-влакым чап танык да кубок дене палемдаш тӱҥалыт.
Аня Левагина
